പാലക്കാട് ചാലിശ്ശേരിയില്‍ നഴ്സിന് അണലിയുടെ കടിയേറ്റു. ഡ്യൂട്ടിക്കിടെയാണ് പാമ്പുകടിയേറ്റത്. ചാവക്കാട് സ്വദേശിനി മിസിരിയയെയാണ് അണലി കടിച്ചത്. പാലക്കാട് ചാലിശ്ശേരി സര്‍ക്കാര്‍ ജനകീയ ആരോഗ്യ കേന്ദ്രമായ എസ്റ്റേറ്റ് പടിയില്‍ പ്രവര്‍ത്തിക്കുന്ന ജനകീയ ആരോഗ്യ കേന്ദ്രത്തില്‍ വെച്ചാണ് ഡ്യൂട്ടിക്കിടെയാണ് നഴ്സിന് പാമ്പിന്റെ കടിയേറ്റത്.

കടിയേറ്റ് ഗുരുതരാവസ്ഥയിലായ നഴ്സിനെ കുന്നംകുളം സ്വകാര്യ ആശുപത്രിയില്‍ പ്രവേശിപ്പിച്ച് ചികിത്സ നല്‍കി. പെരുമണ്ണൂര്‍, കൂറ്റനാട്, എസ്റ്റേറ്റ് പടി തുടങ്ങിയ സ്ഥലങ്ങളില്‍ നിന്നായി നൂറുകണക്കിന് രോഗികള്‍ ചികിത്സ തേടിയെത്തുന്ന ആരോഗ്യ കേന്ദ്രത്തിലാണ് ഈ ദാരുണ സംഭവം.

അതേ സമയം മഴക്കെടുതികൾക്കിടെ ഇത്തരം ജീവികളുടെ ഉപദ്രവങ്ങളിൽ നിന്നും രക്ഷനേടാൻ കൂടുതൽ ജാ​ഗ്രത പാലിക്കേണ്ടതാണ്.