മലയാളി താരം മിന്നുമണി ഇംഗ്ലണ്ടുമായുള്ള വനിതാ ചതുർദിന ക്രിക്കറ്റ്‌ മത്സരത്തിൽ ഇന്ത്യൻ എ ടീമിനെ നയിക്കും. ട്വന്റി20, ഏകദിന പരന്പരകളിൽ എ ടീമിന്റെ വൈസ്‌ ക്യാപ്‌റ്റനുമാണ്‌ മിന്നു. സെപ്‌തംബറിൽ ഓസ്‌ട്രേലിയൻ ടീമിനെതിരായ അവസാന ഏകദിനത്തിൽ തകർപ്പൻ പ്രകടനമായിരുന്നു ഇരുപത്തേഴുകാരി പുറത്തെടുത്തിരുന്നത്. റെയിൽവേസ്‌ ടീമിന്റെ ക്യാപ്‌റ്റനുമാണ്‌.

ട്വന്റി20യിലും ഏകദിനത്തിലും അനുഷ്‌ക ശർമയാണ്‌ ക്യാപ്‌റ്റൻ. മൂന്ന്‌ മത്സര ട്വന്റി20 പരമ്പര ഇ‍ൗ മാസം 30ന്‌ ആരംഭിക്കും. മൂന്ന്‌ മത്സരം ഏകദിന പരമ്പര ഡിസംബർ എട്ടിനും ആരംഭിക്കും. ഏക ചതുർദിന മത്സരം ഡിസംബർ 19നാണ്‌ തുടങ്ങുക. മുംബൈയാണ്‌ വേദി. ശ്രേയങ്ക പാട്ടീൽ, വൈഷ്‌ണവി ശർമ എന്നിവരും ടീമിൽ ഇടം പിടിച്ചു.