സംസ്ഥാനത്ത് കായിക സർവകലാശാല സ്ഥാപിക്കാനായി സർക്കാർ മുൻകൈയെടുക്കണമെന്ന് ഗവർണർ ആർ.വി .ആർലേക്കർ . യുവജനങ്ങളുടെ പ്രതിഭയും നൈപുണ്യവും വളർത്തിയെടുത്ത് നിശ്ചയദാർഢ്യവും അച്ചടക്കവുമുള്ളവരാക്കി മാ​റ്റാൻ കായിക സർവകലാശാലയ്ക്ക് കഴിയുകയും ചെയ്യും.

കേരള സർവകലാശാല ദേശീയ കായിക ദിനാചരണത്തിന്റെ ഭാഗമായി സംഘടിപ്പിച്ച 'ഏക് ഘണ്ഠാ ഖേൽ കെ മൈദാൻ മേം' ഉദ്ഘാടനം ചെയ്യുകയായിരുന്നു ഗവർണർ. ആരോഗ്യമുള്ള യുവതലമുറയ്ക്കായി വിദ്യാഭ്യാസ, കായിക വകുപ്പുകൾ കൈകോർക്കുമെന്ന് ഉന്നത വിദ്യാഭ്യാസ മന്ത്രി റോജി എം ജോൺ ഉറപ്പു നൽകുകയും ചെയ്തു. നമ്മളെ മുന്നോട്ട് നയിക്കേണ്ട ലഹരി പഠനത്തിന്റേതും, സ്‌പോർട്സിന്റേതുമാണെന്നും അദ്ദേഹം പറഞ്ഞു. പഠിക്കാൻ പിന്നിലായാലും, കളിക്കാൻ പിന്നിലാവരുതെന്ന് കായികമന്ത്രി ഒ. ജെ. ജനീഷ്.

ജീവിതശൈലീ രോഗങ്ങൾക്കുള്ള പ്രതിരോധമാണ് വ്യായാമമെന്ന് അദ്ധ്യക്ഷനായ വൈസ് ചാൻസലർ ഡോ.മോഹനൻ കുന്നുമ്മേൽ പറഞ്ഞു.മേജർ ധ്യാൻചന്ദ് ഖേൽരത്ന പുരസ്‌കാര ജേതാവ് പി.ആർ. ശ്രീജേഷ് മുഖ്യാതിഥിയായി. കായിക താരങ്ങളായ കെ. എം. ബീനാമോൾ, കെ. എം. ബിനു, എസ്. ഓമന കുമാരി, ഗീതു അന്ന ജോസ്, കെ. സി. ലേഖ, പ്രിയ പി.കെ., ഗോപിനാഥ്., അൻവിൻ ആന്റണി, അനൂപ് രാമസ്വാമി എന്നിവരെ ഗവർണർ ആദരിക്കുകയും ചെയ്തു.