മുഖ്യമന്ത്രി ഉമ്മന്‍ ചാണ്ടിക്കെതിരെ രൂക്ഷ വിമര്‍ശനവുമായി രാജ്യസഭാ എംപി സുരേഷ് ഗോപി രംഗത്തെത്തി. മുഖ്യമന്ത്രിക്ക് ആണത്വമുണ്ടെങ്കില്‍ സോളാര്‍ കേസ് സിബിഐക്ക് വിടാന്‍ തയ്യാറാവണമെന്ന് സുരേഷ് ഗോപി ആവശ്യപ്പെട്ടു. ആലുവയില്‍ എന്‍.ഡി.എ തിരഞ്ഞെടുപ്പ് യോഗത്തില്‍ സംസാരിക്കവേയാണ് അദ്ദേഹം കടുത്ത വിമര്‍ശനം ഉന്നയിച്ചത്.

സോളാര്‍ കേസിനെ കൂടാതെ ബാര്‍കോഴ കേസും സിബിഐ അന്വേഷിക്കണമെന്ന് സുരേഷ് ഗോപി ആവശ്യപ്പെട്ടു. ഉമ്മന്‍ ചാണ്ടി 14 മണിക്കൂര്‍ സോളര്‍ കമ്മിഷന് മുന്നിലിരുന്നു. എന്നിട്ടും കള്ളനെ തുറന്ന് കാട്ടാന്‍ കമ്മിഷനായില്ലെന്ന് അദ്ദേഹം വിമര്‍ശിച്ചു. മുന്‍ തിരഞ്ഞെടുപ്പുകളില്‍ ജയിക്കാന്‍ ഉപയോഗപ്പെടുത്തിയ ടി.പി. ചന്ദ്രശേഖരന്‍ വധക്കേസും സിബിഐക്ക് വിടാന്‍ ശുപാര്‍ശ ചെയ്യണമെന്നും സുരേഷ് ഗോപി ആവശ്യപ്പെട്ടു.

കെട്ടിച്ചമച്ച ആരോപണങ്ങളുയര്‍ത്തി എ.കെ. ആന്റണി കേരളത്തിലെ ജനങ്ങളെ ഭയപ്പെടുത്താന്‍ ശ്രമിക്കുകയാണ്. ആന്റണി നാടകം കളിക്കുകയാണ്. എന്‍.ഡി.എ സംസ്ഥാനം ഭരിച്ചാല്‍ സാമൂഹ്യ സന്തുലിതാവസ്ഥ നഷ്ടപ്പെടുമെന്നാണ് പ്രചരിപ്പിക്കുന്നത്. ഇത് കലാപത്തിന് ആഹ്വാനം ചെയ്യുന്നതിന് തുല്യമാണ്. പത്ത് വോട്ടിന്റെ ഭൂരിപക്ഷത്തില്‍ മാത്രം എന്‍.ഡി.എ സ്ഥാനാര്‍ത്ഥികള്‍ ജയിച്ചാല്‍ പോര. ഇരുമുന്നണികളുടെയും നടുവൊടിക്കുന്ന ഭൂരിപക്ഷത്തോടെ എന്‍.ഡി.എ സ്ഥാനാര്‍ത്ഥികളെ ജയിപ്പിക്കാനാകണമെന്നും സുരേഷ് ഗോപി പറഞ്ഞു.

ബിജെപി അധ്യക്ഷന്‍ അമിത് ഷാ അടക്കമുള്ളവര്‍ പങ്കെടുത്ത യോഗത്തിലാണ് സുരേഷ് ഗോപി മുഖ്യമന്ത്രിയെ വെല്ലുവിളിച്ചത്. തെരഞ്ഞെടുപ്പില്‍ ബിജെപിയുെട ചീഫ് കാമ്ബയിനര്‍മാരില്‍ ഒരാളാണ് സുരേഷ് ഗോപി. അദ്ദേഹത്തെ രാജ്യസഭയിലേക്ക് നോമിനേറ്റ് ചെയ്തത് രാഷ്ട്രപതിയാണ്. കേരളത്തില്‍ അങ്ങോളമിങ്ങോളമുള്ള കേന്ദ്രങ്ങളില്‍ സുരേഷ് ഗോപി എന്‍ഡിഎ സ്ഥാനാര്‍ത്ഥികള്‍ക്കായി പ്രചരണത്തിന് എത്തുന്നുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha