പെരുമ്പാവൂരില്‍ കൊല്ലപ്പെട്ട ജിഷയ്ക്ക് ആരോടെങ്കിലും പ്രണയമുണ്ടായിരുന്നോ എന്ന തീവ്രമായ അനേ്വഷണത്തിലാണ് പോലീസ്. പ്രണയമോ പ്രണയനാടകമോ കൊലപാതകത്തില്‍ കലാശിച്ചതായി പോലീസിന് സംശയമുണ്ട്. ജിഷയുമായി ഏറെ അടുപ്പമുണ്ടായിരുന്ന ഒരാളാണ് സംഭവത്തിന് പിന്നിലെന്നും പോലീസ് കരുതുന്നു. ഒരു അന്യസംസ്ഥാന തൊഴിലാളിക്ക് വേണ്ടി ജിഷ വാതില്‍ തുറന്നുകൊടുക്കുമോ എന്ന സംശയവുമുണ്ട്. ഏതായാലും കൊലപാതകക്കേസിലെ പ്രതി പെരുമ്പാവൂര്‍ പരിസരത്തു തന്നെയുണ്ടെന്നാണ് പോലീസ് കരുതുന്നത്.
അയല്‍വാസിയായ ഒരാളുടെ മൊഴിയില്‍ വിശ്വാസം എന്ന വാക്ക് ജിഷ പലയാവര്‍ത്തി പറയുന്നുണ്ടായിരുന്നു എന്നുണ്ട്. സംഭവദിവസം ജിഷയുടെ വീട്ടിലെത്തിയ അതിഥി ഏറെ നേരം വീട്ടിലുണ്ടായിരുന്നതായും പറയുന്നു. പെണ്‍കുട്ടിയുടെ സെല്‍ഫോണ്‍ പരിശോധിച്ച പോലീസ് ഇക്കാര്യം ഏതാണ്ട് സ്ഥിതീകരിക്കുന്നു. അതേസമയം അന്യസംസ്ഥാന തൊഴിലാളിയാണ് കൃത്യം നടത്തിയതെന്ന് പ്രചരിപ്പിച്ച ശേഷം യഥാര്‍ത്ഥ പ്രതിയെ പിടികൂടാന്‍ പോലീസ് ശ്രമങ്ങള്‍ ആരംഭിച്ചിട്ടുണ്ട്.
വിശ്വാസം എന്ന വാക്ക് സാധാരണ ഗതിയില്‍ പ്രയോഗിക്കേണ്ടിവരുന്നത് വാക്കുതര്‍ക്കങ്ങള്‍ക്കിടയിലാണ്. അതുകൊണ്ടുതന്നെ അതിഥിയുമായി ജിഷ വാക്കുതര്‍ക്കത്തിലേര്‍പ്പെട്ടതായും പോലീസ് കരുതുന്നു. വാക്കുതര്‍ക്കത്തില്‍ ഏര്‍പ്പെട്ടെങ്കില്‍ അത് ഏറെ അടുപ്പമുള്ള ആരെങ്കിലുമായിട്ടായിരിക്കും.അതേസമയം പോലീസ് വല്ലാത്ത സമ്മര്‍ദ്ദത്തിലുമാണ്. എത്രയും വേഗം പ്രതികളെ പിടിക്കണമെന്നാണ് സര്‍ക്കാരിന്റെ ആവശ്യം.
പ്രതി പെരുമ്പാവൂരുകാരനല്ലെന്ന ധാരണയില്‍ തന്നെയാണ് പോലീസ് നീങ്ങുന്നത്. അതുകൊണ്ടുകൂടിയാണ് ജിഷയുടെ സഹപാഠികളെ പോലീസ് അനേ്വഷിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha