മേൽപ്പത്തൂർ, ശ്രീഗുരുവായൂരപ്പൻ ഓഡിറ്റോറിയങ്ങളുടെ വാടക വർദ്ധന പിൻവലിച്ച് ഗുരുവായൂർ ദേവസ്വം. ഇന്നലെ ചേർന്ന ഭരണസമിതി യോഗത്തിലാണ് തീരുമാനമായത്. ജനുവരി ഒന്ന് മുതലുള്ള പരിപാടികൾക്ക് 11,800 രൂപ ഈടാക്കാനായിരുന്നു തീരുമാനം.

പ്രതിഷേധം ശക്തമായ സാഹചര്യത്തിലാണ് ഭരണസമിതിയുടെ തീരുമാനം.

മേൽപ്പത്തൂർ ഓഡിറ്റോറിയത്തിനും ശ്രീ ഗുരുവായൂരപ്പൻ ഓഡിറ്റോറിയത്തിനും ഏർപ്പെടുത്തിയിരുന്ന ഉയർന്ന നിരക്ക് ഒഴിവാക്കി പഴയ നിരക്കായ 5900 രൂപയായി തന്നെ നിലനിർത്താൻ തീരുമാനിക്കുകയായിരുന്നുവെന്ന് ദേവസ്വം ചെയർമാൻ എ.വി.ഗോപിനാഥ് പറഞ്ഞു. പുതിയ നിരക്കിൽ ബുക്ക് ചെയ്തവർക്ക് അധിക തുക തിരികെ നൽകുമെന്നും അദ്ദേഹം അറിയിച്ചു.