ഖാദി, കൈത്തറി തൊഴിലാളികളുടെ വേതനം വര്‍ദ്ധിപ്പിക്കാന്‍ സര്‍ക്കാര്‍ അടിയന്തര നടപടിയെടുക്കുമെന്ന് മന്ത്രി ഇ.പി. ജയരാജന്‍ പറഞ്ഞു. ഹാന്‍ടെക്‌സിന്റെ ഓണക്കാല വില്പനയുടെ സംസ്ഥാനതല ഉദ്ഘാടനം ഊറ്റുകുഴി ഹാന്‍ടെക്‌സ് ഷോറൂമില്‍ ഉദ്ഘാടനം ചെയ്യുകയായിരുന്നു അദ്ദേഹം.
ഖാദി, കൈത്തറി തൊഴിലാളികള്‍ക്കായി സര്‍ക്കാര്‍ നല്‍കുന്ന റിബേറ്റ് കടലാസ് സംഘങ്ങള്‍ തട്ടിയെടുക്കുന്ന അവസ്ഥയ്ക്ക് മാറ്റംവരുത്തും. തൊഴിലാളികളെ ചൂഷണം ചെയ്യുന്ന ഇടനിലക്കാരെ നിലയ്ക്കുനിറുത്തു നടപടികളെടുക്കുമെന്നും മന്ത്രി പറഞ്ഞു.
ഈ ഓണക്കാലത്ത് 28 ശതമാനം വിലക്കുറവിലാവും ഹാന്‍ടെക്‌സ് വില്‍പന നടതത്തുകയെന്ന് ഹാന്‍ടെക്‌സ് എം.ഡി കെ. എസ്. അനില്‍കുമാര്‍ പറഞ്ഞു. നിലവില്‍ 20 ശതമാനം വിലക്കുറവിലാണ് ഓണവില്‍പന. 107 ഷോറൂമുകളിലായി ഓണവില്‍പനയ്ക്ക് വന്‍ വസ്ത്രശേഖരം എത്തിച്ചിട്ടുണ്ട്. ഇത്തവണ ചുരിദാര്‍, ഷര്‍ട്ടിംഗ് മെറ്റീരിയലുകള്‍ ഹാന്‍ടെക്‌സില്‍ ലഭ്യമാണ്. 1000 രൂപ മുതല്‍ക്കാണ് ഷര്‍ട്ടിന്റെ വില. 1200 രൂപ മുതല്‍ ചുരിദാറുകള്‍ ലഭിക്കും.