ശല്യം ചെയ്യാന്‍ വരുന്നവര്‍ക്കിട്ട് ആദ്യം രണ്ട് പെട പെടയ്ക്കണം: ഋഷിരാജ് സിംഗ്
പതിനാല് സെക്കന്‍ഡിന്റെ വിവാദം കെട്ടടങ്ങും മുന്‍പ് പൂവാലന്മാരെ നേരിടേണ്ടത് എങ്ങനെയെന്ന് പെണ്‍കുട്ടികള്‍ക്ക് ഉപദേശവുമായി എക്‌സൈസ് കമ്മീഷണര്‍ ഋഷിരാജ് സിംഗ്. ശല്യം ചെയ്യാന്‍ വരുന്നവര്‍ക്കിട്ട് ആദ്യം രണ്ട് പെട പെടയ്ക്കണം. ഇതിനു ശേഷം പരാതി കൊടുത്താല്‍ മതിയെന്നും സിംഗ് പറഞ്ഞു. കാസര്‍ഗോഡ് ഉദിനൂര്‍ ഗവ.സ്‌കൂള്‍ കുട്ടികളുമായി സംവദിക്കുന്നതിനിടെയാണ് ഋഷിരാജ് സിംഗിന്റെ ഉപദേശം. സ്ത്രീ സുരക്ഷയ്ക്ക് ഇപ്പോഴത്തെ നിയമങ്ങള്‍ പര്യാപ്തമാണോ എന്ന ചോദ്യത്തിന് മുറപടി നല്‍കുകയായിരുന്നു അദ്ദേഹം.
പതിനാല് സെക്കന്‍ഡ് ഒരാള്‍ തന്നെ തുറിച്ചുനോക്കിയതായി പെണ്‍കുട്ടി പരാതിപ്പെട്ടാല്‍ പോലീസ് കേസെടുക്കണമെന്നായിരുന്നു ഋഷിരാജ് സിംഗിന്റെ മുന്‍ പ്രസ്താവന. ഇങ്ങനെ അതിക്രമം നേരിട്ടാല്‍ പെണ്‍കുട്ടികള്‍ പ്രതികരിക്കാന്‍ മുന്നോട്ടുവരണമെന്നും നിയമത്തിന്റെ സാധ്യതകള്‍ പ്രയോജനപ്പെടുത്തണമെന്നും സിംഗ് നിര്‍ദേശിച്ചിരുന്നു.
https://www.facebook.com/Malayalivartha
