വെഞ്ഞാറമൂട് സഹകരണ ബാങ്കിലെ സെക്യുരിറ്റി ജീവനക്കാരനെ വെട്ടേറ്റ നിലയില്‍ കണ്ടെത്തി. വെഞ്ഞാറമൂട് സ്വദേശി ജയചന്ദ്രനെയാണ് (34) വെട്ടേറ്റ നിലയില്‍ ബാങ്ക് കെട്ടിടത്തിനുള്ളില്‍ ചൊവ്വാഴ്ച രാവിലെ കണ്ടെത്തിയത്. മോഷണശ്രമം തടയുന്നതിനിടെയാണ് ജയചന്ദ്രന് വെട്ടേറ്റതെന്ന് സംശയമുണ്ട്.
തിങ്കളാഴ്ച രാത്രിയാണ് ജയചന്ദ്രന്‍ ആക്രമിക്കപ്പെട്ടത്. രാവിലെ ബാങ്ക് തുറക്കാനെത്തിയ ജീവനക്കാരനാണ് രണ്ടാം നിലയില്‍ മാരകമായി മുറിവേറ്റ് രക്തം വാര്‍ന്ന് കിടന്ന ജയചന്ദ്രനെ കണ്ടെത്തിയത്. ഉടന്‍ തന്നെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. പോലീസ് സ്ഥലത്തെത്തി തെളിവെടുത്തു.