ഗള്‍ഫില്‍ നിന്നും തിരിച്ചെത്തുന്ന പ്രവാസികള്‍ക്ക് കേന്ദ്രസഹായത്തോടെ ക്ഷേമപദ്ധതികള്‍ നടപ്പാക്കുമെന്ന് മുഖ്യമന്ത്രി പിണറായി വിജയന്‍. ഷൊര്‍ണൂരില്‍ അബുദാബി ശക്തി അവാര്‍ഡ് സമര്‍പ്പിച്ച് സംസാരിക്കുകയായിരുന്നു അദ്ദേഹം. കേരളത്തിന്റെ സമ്പദ് വ്യവസ്ഥ ഗള്‍ഫ് പണത്തെ ആശ്രയിച്ചാണ് പ്രധാനമായും നിലനില്‍ക്കുന്നത്.
അതിനാല്‍ തന്നെ തങ്ങളുടെതല്ലാത്ത കാരണങ്ങളാല്‍ മടങ്ങിവരുന്ന ഗള്‍ഫ് മലയാളികള്‍ക്ക് ഉപജീവനത്തിനുളള മാര്‍ഗം കാണിച്ചുകൊടുക്കേണ്ടത് സംസ്ഥാനത്തിന്റെ കടമയാണ്. കേന്ദ്ര സര്‍വകലാശാലയിലെ പ്രധാന തസ്തികകളില്‍ പോലും ആര്‍എസ്എസ് നേരിട്ട് നിയമനങ്ങള്‍ നടത്തുകയാണ്. സാംസ്‌കാരിക രംഗത്തെ ഫാസിസ്റ്റ് പ്രവണത വിപത്താണെന്നും സാംസ്‌കാരിക മേഖലയില്‍ സജീവ ജാഗ്രത പുലര്‍ത്തണമെന്നും അദ്ദേഹം പറഞ്ഞു.