പശ്ചാത്തല വികസനവും സാമൂഹ്യക്ഷേമവും ഒരുമിച്ചു യാഥാര്ഥ്യമാക്കും, അഞ്ചു വര്ഷം കൊണ്ട് മാലിന്യമുക്ത കേരളം ലക്ഷ്യം, സര്ക്കാരിന്റെ നൂറാം ദിനത്തില് പിണറായി വിജയന് ജനങ്ങളോട്
നൂറാം ദിനം പിന്നിടുന്ന സര്ക്കാരിന്റെ നേട്ടങ്ങളും തുടര്ന്നുള്ള പദ്ധതികളും വിശദീകരിച്ചു കണ്ടാണ് മുഖ്യമന്ത്രി മാധ്യമപ്രവര്ത്തകരെ അഭിസംബോധന ചെയ്ത് ലേഖനമെഴുതിയിരിക്കുന്നത്.100 ദിവസമെന്നത് കുറഞ്ഞ് കാലയാളവാണെങ്കിലും എല്ഡിഎഫ് സര്ക്കാരിന് മികച്ച പ്രവര്ത്തനം കാഴ്ചവെക്കാന് കഴിഞ്ഞുവെന്നും മുഖ്യമന്ത്രി.
നാടിന്റെ സമഗ്ര വികസനമാണ് സര്ക്കാര് ലക്ഷ്യമിടുന്നതെന്നും വരും ദിവസങ്ങളില് കൂടുതല് വികസന പദ്ധതികള് ആവിഷ്കരിച്ച് മുന്നോട്ട് പോവുമെന്നും മുഖ്യന്ത്രി. സര്ക്കാരിന്റെ നൂറു ദിനത്തോടനുബന്ധിച്ചു ജനങ്ങളോട് റേഡിയോ സന്ദേശത്തിലാണ് മുഖ്യമന്ത്രി പിണറായി വിജയന് ഇക്കാര്യങ്ങള് പറഞ്ഞത്.
സുസ്ഥിര വികസനം ലക്ഷ്യമിട്ടുള്ള പല പദ്ധതികള്ക്കും തുടക്കം കുറിച്ചുവെന്നും, അഞ്ചുവര്ഷം കൊണ്ടു കേരളത്തെ മാലിന്യമുക്തമാക്കും. ശുചീകരണത്തിനും പരിസ്ഥിതി സംരക്ഷണത്തിനും പുതിയ പദ്ധതി ആവിഷ്കരിക്കും. വരുന്ന കേരളപ്പിറവി ദിനത്തില് 100 ശതമാനം വീടുകളിലും അനുബന്ധമായി ശുചിമുറിയുണ്ടെന്ന് ഉറപ്പുവരുത്തുമെന്നും മുഖ്യമന്ത്രി.
തെക്കേ ഇന്ത്യയിലെ ആദ്യ പരസ്യവിസര്ജന വിമുക്തസംസ്ഥാനമായി മാറാന് ഒരുങ്ങുകയാണു കേരളം. ശുചീകരണത്തിനും പരിസ്ഥിതി സംരക്ഷണത്തിനും പുതിയ പദ്ധതി ആവിഷ്കരിക്കുമെന്നും മുഖ്യമന്ത്രി ലേഖനത്തിലൂടെ വ്യക്തമാക്കി. കണ്ണൂര് വിമാനത്താവളം 2017 ഏപ്രിലില് പ്രവര്ത്തനക്ഷമമാക്കും. എല്എന്ജി പൈപ്പ്ലൈന് പദ്ധതി പൂര്ത്തിയാക്കി താപോര്ജാധിഷ്ഠിത വ്യവസായങ്ങള് അഭിവൃദ്ധിപ്പെടുത്തും. നാലായിരത്തഞ്ഞൂറോളം പട്ടികജാതി കുടുംബങ്ങള്ക്കു ഭവനനിര്മാണവും 10,000 പട്ടികജാതിക്കാര്ക്കു വിവാഹ ധനസഹായവും സര്ക്കാര് ലക്ഷ്യമിടുന്നുണ്ടെന്നും മുഖ്യമന്ത്രി വ്യക്തമാക്കി.
സര്ക്കാര് ഇതുവരെ ക്ഷേമ പെന്ഷനുകള് വീട്ടിലെത്തിച്ചു. കശുവണ്ടി ഫാക്ടറികള് തുറന്ന് പ്രവര്ത്തിപ്പിച്ചും ആരോഗ്യ, കാര്ഷിക മേഖലകളില് പുത്തന് ഉണര്വ് പകരാനായെന്നും പിണറായി വിജയന് പറഞ്ഞു. മയക്കുമരുന്നിനെതിരെ ശക്തമായ നടപടികള് സ്വീകരിക്കുമെന്നും വര്ഗീയ ശക്തികളെ ചെറുക്കുമെന്നും മുഖ്യമന്ത്രി പിണറായി പറഞ്ഞു.
സര്ക്കാരിന്റെ നൂറാംദിനത്തില് റേഡിയോയിലൂടെയും മുഖ്യമന്ത്രിയുടെ സന്ദേശമെത്തി, വിഷാംശമില്ലാത്ത പച്ചക്കറിയിലൂടെ ഭക്ഷ്യസ്വയം പര്യാപ്തത നേടിയെടുക്കും. സ്ത്രീസുരക്ഷ, വിലക്കയറ്റം തടയല്, തൊഴിലവസരങ്ങള് സൃഷ്ടിക്കല് എന്നിവയ്ക്കായുള്ള പ്രവര്ത്തനം സര്ക്കാര് നടത്തിവരുന്നതായും പിണറായി അറിയിച്ചു. സമൂഹത്തില് അന്തച്ഛിദ്രം ഉണ്ടാക്കാനുള്ള ശ്രമങ്ങളെ ഒന്നിച്ചുനേരിടണം. പശ്ചാത്തല വികസനവും സാമൂഹ്യക്ഷേമവും ഒരുമിച്ചു യാഥാര്ത്ഥ്യമാക്കുമെന്നും അദ്ദേഹം പറഞ്ഞു.
https://www.facebook.com/Malayalivartha