കോഴിക്കോട്ട് വാഹനാപകടത്തില്‍ രണ്ട് തമിഴ്‌നാട് സ്വദേശികള്‍ മരിച്ചു. വേലൂര്‍ സ്വദേശികളായ പ്രദീപ് കുമാര്‍(32), അമര്‍നാഥ് (35) എന്നിവരാണ് മരിച്ചത്്. ഇവര്‍ സഞ്ചരിച്ച കാറില്‍ കെഎസ്ആര്‍ടിസി ബസ് ഇടിക്കുകയായിരുന്നു. ബംഗളൂരുവില്‍നിന്നാണ് ഇവര്‍ കോഴിക്കോട്ടെത്തിയത്.
ഗാന്ധിറോഡ് ജംഗ്ഷനില്‍ വെള്ളിയാഴ്ച പുലര്‍ച്ചെ 12.30-നായിരുന്നു അപകടം. ബീച്ച് ഭാഗത്തുനിന്നുമെത്തിയ കാര്‍ മാവൂര്‍റോഡിലേക്ക് കയറാന്‍ ശ്രമിക്കവേയാണ് അപകടമുണ്ടായത്. കെഎസ്ആര്‍ടിസി ബസ് കോഴിക്കോട് നിന്നും ഇരിട്ടിയിലേക്ക് പോകുകയായിരുന്നു.
അപകടത്തില്‍ കാര്‍ നിശേഷം തകര്‍ന്നു. രണ്ടുപേരും സംഭവസ്ഥലത്തുതന്നെ മരിച്ചു. മൃതദേഹം കോഴിക്കോട് മെഡിക്കല്‍ കോളജ് മോര്‍ച്ചറിയില്‍.