വൈദ്യുതി നിരക്ക് യൂണിറ്റിന് 10 മുതല്‍ 50 പൈസ വരെ കൂട്ടാന്‍ റെഗുലേറ്ററി കമ്മിഷന്റെ ശിപാര്‍ശ; വരള്‍ച്ച അതിരൂക്ഷമാകുന്നതിലാണെന്ന് വിശദീകരണം
സംസ്ഥാനത്ത് വൈദ്യുതി നിരക്കുകള്‍ വര്‍ധിപ്പിക്കാന്‍ നീക്കം. യൂണിറ്റിന് 10 പൈസ മുതല്‍ 50 പൈസ വരെ കൂട്ടാന്‍ റെഗുലേറ്ററി കമ്മീഷന്‍ ശിപാര്‍ശ നല്‍കി. വ്യാവസായിക ആവശ്യത്തിന് മുപ്പത് പൈസ വരെയും കൂട്ടാന്‍ സാധ്യതയുണ്ട്. വരള്‍ച്ച അതിരൂക്ഷമായ സാഹചര്യത്തില്‍ ഫെബ്രുവരിയില്‍ പുതിയ നിരക്കുകള്‍ പ്രഖ്യാപിച്ചേക്കും.
മാസം 40 യൂണിറ്റിന് താഴെ വൈദ്യുതി ഉപയോഗിക്കുന്ന ബിപിഎല്‍ കുടുംബങ്ങളെ വര്‍ദ്ധനയില്‍ നിന്നും ഒഴിവാക്കും. കാര്‍ഷിക മേഖലയ്ക്കും ഇളവുണ്ട്. ജലനിധി അടക്കം ഗ്രാമീണ കുടിവെള്ള പദ്ധതികള്‍ക്ക് വീട്ടാവശ്യ നിരക്ക് പ്രാബല്യത്തിലാക്കാനും കമ്മിഷന്‍ ശുപാര്‍ശ ചെയ്തിട്ടുണ്ട്. 500 യൂണിറ്റിന് മുകളില്‍ നിലവിലെ നിരക്ക് തുടരും. സംസ്ഥാനത്തെ അണക്കെട്ടുകളില്‍ ഇപ്പോള്‍ 48 ശതമാനം വെള്ളം മാത്രമേ അവശേഷിക്കുന്നുള്ളൂ. ഉത്പാദനവും ഉപഭോഗവും തമ്മിലുള്ള അന്തരവും കൂടിയിട്ടുണ്ട്. വൈദ്യുതി പുറത്ത് നിന്നും വാങ്ങുന്ന വകയില്‍ പ്രതിമാസം 77 കോടി രൂപയാണ് കെഎസ്ഇബിയുടെ ബാധ്യത. ഓരോ ദിവസവും ആവശ്യമായ വൈദ്യുതിയുടെ പതിനഞ്ച് ശതമാനത്തില്‍ താഴെ മാത്രമാണ് ഉത്പാദനം.
https://www.facebook.com/Malayalivartha
