സ്വര്‍ണക്കടത്തു കേസിലെ പ്രതി ഫയാസ്‌ തനിക്കൊപ്പം നില്‍ക്കുന്ന ഫോട്ടോയെ കുറിച്ചു കൂടി സിബിഐ അന്വേഷിക്കട്ടേയെന്ന്‌ ആഭ്യന്തരമന്ത്രി രമേശ്‌ ചെന്നിത്തല പറഞ്ഞു. പന്ത്രണ്ട്‌ വര്‍ഷം മുമ്പെടുത്ത ഫോട്ടോയാണ്‌.

ഫയാസുമായി തനിക്ക് ബന്ധമില്ലെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു. പൊതു പ്രവര്‍ത്തകരാവുമ്പോള്‍ പലരും ഒപ്പം നിന്ന് ഫോട്ടോയെടുക്കാറുണ്ട്. ഒപ്പം നിന്ന് ഫോട്ടോ എടുക്കുന്നവരുടെ ജാതകം നോക്കാന്‍ കഴിയില്ലെന്നും ചെന്നിത്തല പറഞ്ഞു. ഫയാസിനൊപ്പമുള്ള ചെന്നിത്തലയുടെ ചിത്രം പുറത്തുവന്നിരുന്നു. ഈ പശ്ചാത്തലത്തിലാണ് ചെന്നിത്തലയുടെ പ്രതികരണം.