സബ് ജയിലില് റിമാന്ഡില് കഴിയുന്ന നടന് ദിലീപിനെ തേടി സംസ്ഥാനത്തിന്റെ വിവിധ ഭാഗങ്ങളില് നിന്നു കത്തുകള്
സബ് ജയിലില് റിമാന്ഡില് കഴിയുന്ന നടന് ദിലീപിനെ തേടി സംസ്ഥാനത്തിന്റെ വിവിധ ഭാഗങ്ങളില് നിന്നു കത്തുകള്. നടനെ എതിര്ത്തും അനുകൂലിച്ചും മുപ്പതോളം കത്തുകളാണ് എത്തിയത്. ഇതില് രണ്ടെണ്ണം രജിസ്ട്രേഡ് തപാലാണ്. ഭൂരിഭാഗം കത്തുകളിലെയും വിലാസം ഒന്നു തന്നെ. ദിലീപ് സെല് നമ്പര് 2/523, സബ് ജയില്, ആലുവ ഒരു കത്തിന്റെ പുറത്തു ഗോപാലകൃഷ്ണന്, പത്മസരോവരം കൊട്ടാരക്കടവ്, ആലുവ എന്നതിനൊപ്പം ബ്രാക്കറ്റില് ഇപ്പോള് ആലുവ സബ് ജയില് എന്നും കുറിച്ചിരിക്കുന്നു.
സാധാരണ കവറുകളും ഇന് ലന്ഡും പോസ്റ്റ് കാര്ഡുമൊക്കെയാണ് കത്തയയ്ക്കാന് ഉപയോഗിച്ചിരിക്കുന്നത്. എല്ലാത്തിലും മതിയായ സ്റ്റാംപുമുണ്ട്. രജിസ്ട്രേഡ് തപാലുകള് ജയിലധികൃതര് ദിലീപിനെ ക്കൊണ്ടു തന്നെ ഒപ്പിടീച്ചു വാങ്ങിച്ചു . കത്തുകള് സൂപ്രണ്ട് വായിച്ച ശേഷം തടവുകാര്ക്കു കൊടുക്കുകയാണു രീതി. എന്നാല് ദിലീപ് ഇവ വായിക്കാന് താത്പര്യം കാട്ടാത്തതിനാല് ഓഫീസില് തന്നെ സൂക്ഷിച്ചിരിക്കുകയാണ്. പുറത്തിറങ്ങുമ്പോള് കൊടുത്തു വിടും.
ദിലീപിന്റെ സഹോദരന് അനൂപ് ഇന്നലെയും ജയിലില് എത്തി 15 മിനിറ്റോളം ദിലീപുമായി സംസാരിച്ചു. അനൂപിനു പുറമേ ഏതാനും സുഹൃത്തുക്കളും ദിലീപിനെ കാണാന് അനുമതി തേടി. പക്ഷെ അധികൃതര് അനുവദിച്ചില്ല വീട്ടുകാര്ക്കും അഭിഭാഷകനും മാത്രമേ സന്ദര്ശനാനുമതി നല്കാവൂ എന്ന് അന്വേഷണ സംഘവും ഉന്നത ജയില് ഉദ്യോഗസ്ഥരും കര്ശന നിര്ദ്ദേശം നല്കിയിട്ടുണ്ട്. മലപ്പുറം കാടാമ്പുഴ സ്വദേശിയായ ഒരാള് ദിലീപിനു ജാമ്യം നില്ക്കാന് തയ്യാറാണെന്ന് അറിയിച്ചു കരമടച്ച രസീതും രേഖകളുമായി വന്നിരുന്നു. നടനെ കാണാന് അനുമതി നിഷേധിച്ചതിനാല് അഭിഭാഷകനെ കണ്ടു മടങ്ങി.
https://www.facebook.com/Malayalivartha
