സംസ്ഥാനത്ത് ഹജ്ജ് കമ്മിറ്റിയുടെ നേതൃത്വത്തിലുളള ആദ്യ ഹജ്ജ് സംഘം പുറപ്പെട്ടു. അഞ്ചുമണിക്ക് റണ്‍വേയിലെത്തേണ്ട വിമാനം ആറുമണിക്കാണ് എത്തിയത്. മന്ത്രി കെടി ജലീല്‍ വിമാനം ഫ്‌ലാഗ് ഓഫ് ചെയ്തു. ആദ്യ വിമാനത്തില്‍ 139 പുരുഷന്മാരും 161 സ്ത്രീകളും യാത്രയായി.

കൊച്ചി അന്താരാഷ്ട്ര വിമാനത്താവളത്തില്‍നിന്ന് ആദ്യ ദിനം 900 ഹാജിമാര്‍ യാത്രയാകും. ഞായറാഴ്ച രാവിലെ 6.45നും 11.30നും വൈകീട്ട് 5.45നുമാണ് തീര്‍ഥാടകരെയും വഹിച്ചുള്ള സൗദി എയര്‍ ലൈന്‍സ് വിമാനങ്ങള്‍ യാത്രയാവുക. ഓരോ വിമാനത്തിലും 300 തീര്‍ഥാടകര്‍ വീതം ഉണ്ടാകും. 11.30നുള്ള വിമാനത്തില്‍ 133 പുരുഷന്മാരും 167 സ്ത്രീകളും. വൈകീട്ട് 5.45ന് 132 പുരുഷന്മാരും 168 സ്ത്രീകളും യാത്രയാകും.