ദിലീപിന്റെ രണ്ടാമത്തെ ജാമ്യാപേക്ഷ ഇന്ന് ഹൈക്കോടതി പരിഗണിക്കുമ്പോള് ദിലീപിനെതിരെ പൊലീസിന് കൂടുതല് തെളിവുകള്
നടിയെ ആക്രമിച്ച കേസില് അറസ്റ്റിലായ നടന് ദിലീപിന്റെ രണ്ടാമത്തെ ജാമ്യാപേക്ഷ ഇന്ന് ഹൈക്കോടതി പരിഗണിക്കും. നേരത്തെ ദിലീപ് നല്കിയ ജാമ്യാപേക്ഷകള് കോടതി തള്ളിക്കളഞ്ഞിരുന്നു. നടിയെ ആക്രമിച്ച കേസില് ദിലീപിനെതിരെ പൊലീസിന് കൂടുതല് തെളിവുകള് ലഭിച്ചു. തെളിവുകള് മുദ്രവച്ച കവറില് ഹൈക്കോടതിയില് സമര്പ്പിക്കാനാണ് പ്രോസിക്യൂഷന് തീരുമാനം. ദൃശ്യങ്ങള് പകര്ത്തിയ ഫോണിനെക്കുറിച്ച് സൂചന ലഭിച്ചു. ഫോണ് കണ്ടെത്തേണ്ടതുള്ളതിനാല് ജാമ്യം അനുവദിക്കരുതെന്ന് പ്രോസിക്യൂഷന് ആവശ്യപ്പെടും. കേസില് കുറ്റപത്രം വൈകാതെ സമര്പ്പിക്കുമെന്നും പ്രോസിക്യൂഷന് അറിയിച്ചു.
ദിലീപിന്റെ ജാമ്യാപേക്ഷ ഇന്ന് ഹൈക്കോടതി പരിഗണിക്കാനിരിക്കെയാണ് കൂടുതല് തെളിവുകള് പുറത്തുവന്നത്. അന്വേഷണ സംഘത്തിന്റെ കണ്ടെത്തലുകള് പൂര്ണമായും തളളിക്കളഞ്ഞു കൊണ്ടു സമര്പ്പിക്കപ്പെട്ട ജാമ്യാപേക്ഷയില്, അനുകൂല തീരുമാനമുണ്ടാകുമെന്ന പ്രതീക്ഷയിലാണ് ദിലീപും കുടുംബവും.
കഴിഞ്ഞ വെളളിയാഴ്ച ദിലിപീന്റെ ജാമ്യാപേക്ഷ ഹൈക്കോടതിക്ക് മുന്നിലെത്തിയിരുന്നു. എന്നാല് ഡയറക്ടര് ജനറല് ഓഫ് പ്രോസിക്യൂഷന്റെ അസൗകര്യം പരിഗണിച്ച് വാദത്തിനായി ഇന്നത്തേക്ക് മാറ്റുകയായിരുന്നു. പ്രതിഭാഗത്തിന്റെയും പ്രോസിക്യൂഷന്റെയും വാദം ഇന്നുണ്ടാവും. ചില പൊലീസുദ്യോഗസ്ഥരും സിനിമാ മേഖലയിലെ ചിലരും ചേര്ന്നു നടത്തിയ ഗൂഡാലോചനയുടെ ഇരയാണ് താനെന്ന വാദമാണ് ദിലീപ് ജാമ്യഹര്ജിയില് ഉന്നയിക്കുന്നത്. 
തനിക്കെതിരെ തെളിവൊന്നുമില്ലെന്നും എല്ലാ കെട്ടിച്ചമച്ചതാണെന്നും കോടതിയെ ബോധ്യപ്പെടുത്താനാണ് ദിലീപിന്റെ അഭിഭാഷകനായ നീക്കം. എന്നാല് ദിലീപിന് ജാമ്യം നല്കരുതെന്ന വാദത്തില് ഉറച്ചാണ് സര്ക്കാര്. ദിലീപ് നല്കിയ ജാമ്യാപേക്ഷയെ നിശിതമായി എതിര്ക്കുന്ന സത്യവാങ്മൂലവും അന്വേഷണ സംഘം തയാറാക്കിയിട്ടുണ്ട്.
കേസിലെ പ്രധാന സാക്ഷികളെല്ലാം സിനിമാ മേഖലയില് നിന്നുളളവരാണെന്നും വലിയ സ്വാധീനശക്തിയുളള ദിലീപിനേപ്പോലൊരു പ്രതി ജാമ്യം നേടി പുറത്തിറങ്ങിയാല് കേസ് തന്നെ അട്ടിമറിക്കപ്പെടുമെന്നും പ്രോസിക്യൂഷന് കോടതിയില് നിലപാടെടുക്കും.
https://www.facebook.com/Malayalivartha
