ദിലീപിന്റെ ജാമ്യാപേക്ഷയിലെ വാദത്തിനിടെ അദ്ദേഹത്തിന്റെ വക്കീല്‍ ആക്രമിക്കപ്പെട്ട നടിയുടെ പേര് ആവര്‍ത്തിച്ച് പറഞ്ഞതിനെ കോടതി ശാസിച്ചു. വാദത്തിനിടെയാണ് വക്കീല്‍ ബി.രാമന്‍പിള്ള മൂന്ന് തവണ നടിയുടെ പേര് ആക്രമിച്ചത്. എന്നാല്‍ ഇരയുടെ പേര് ഇനി ആവര്‍ത്തിക്കരുതെന്ന് കോടി ശാസിച്ചു. തുടര്‍ന്ന് അദ്ദേഹത്തിന്റെ ഭാഗത്ത് നിന്ന് അങ്ങനെയൊരു നടപടിയുണ്ടായില്ല. അതേസമയം കേസിന്റെ വിചാരണ സമയത്ത് ഉള്‍പ്പെടെ പ്രോസിക്യൂഷന്റെയും നടിയുടെയും മനോവീര്യം തകര്‍ക്കുന്ന നടപടികള്‍ ദിലീപിന്റെ അഭിഭാഷകന്റെ ഭാഗത്ത് നിന്ന് ഉണ്ടാകുമെന്ന് ഉറപ്പാണ്. കേരളത്തിലെ നമ്പര്‍ വണ്‍ ക്രിമിനല്‍ വക്കീലാണ് രാമന്‍പിള്ള.

രാമന്‍പിള്ള കേസ് ഏറ്റെടുത്തതോടെ ദിലീപിന് കേസില്‍ നിന്ന് രക്ഷപെടാനാകുമെന്ന ആശ്വാസത്തിലാണ് കുടുംബവും സുഹൃത്തുക്കളും സിനിമാ ലോകവും. കാരണം ഏറെ വിവാദമായ ടി.പി ചന്ദ്രശേഖരന്‍ വധക്കേസിലെ ഗൂഢാലോചനയില്‍ നിന്ന് സി.പി.എം കോഴിക്കോട് ജില്ലാ സെക്രട്ടറി പി. മോഹനന്‍ ഉള്‍പ്പെടെയുള്ളവരെ പുഷ്പം പോലെ ഊരിയെടുത്തത് രാമന്‍പിള്ള എന്ന ബുദ്ധിരാക്ഷസനാണ്.

ദിലീപിന്റെ കേസും അദ്ദേഹം ഏറ്റെടുത്തതോടെ അന്വേഷണ സംഘം ശരിക്കും ഞെട്ടി. പി.സി ജോര്‍ജ് പറയുന്നത് പോലെ ഗൂഢാലോചന തെളിയിക്കാന്‍ മാത്രമുള്ള തെളിവുകള്‍ അന്വേഷണ സംഘത്തിന് ഇപ്പോഴും ശേഖരിക്കാനായിട്ടില്ലെന്നാണ് അറിയാന്‍ കഴിയുന്നത്. അത് മനസിലാക്കിയാണ് നിര്‍മാതാവ് സുരേഷ് കുമാറും നടന്‍ ശ്രീനിവാസനും ദിലീപിന് അനുകൂല നിലപാടുമായി പരസ്യമായി രംഗത്തെത്തിയത്.

ടി.പി ചന്ദ്രശേഖരന്‍ വധക്കേസിന്റെ ഗൂഢാലോചന പി.മോഹനനും പ്രതികളും ഒരു പൂക്കടയില്‍ വെച്ച് നടത്തിയെന്നായിരുന്നു പ്രോസിക്യൂഷന്‍ വാദം. പ്രതികളും മോഹനനും ഒരേ ടവര്‍ ലൊക്കേഷനില്‍ ഉണ്ടായിരുന്നെന്നും തെളിവ് ഹാജരാക്കിയിരുന്നു. എന്നാല്‍ ഒരേ ടവറിന് കീഴില്‍ വന്നത് കൊണ്ട് ഗൂഢാലോചന നടത്തി എന്ന് പറയാനാവില്ലെന്ന് രാമന്‍പിള്ള വാദിച്ചു. മാത്രമല്ല ഗൂഢാലോചന നടത്തിയതെന്ന് പൊലീസ് പറഞ്ഞ ദിവസം സി.പി.എം പാര്‍ട്ടി കോണ്‍ഗ്രസിന് മുന്നോടിയായ മോഹനനും മറ്റും ജാഥ നടത്തിയിരുന്നു.

അതിന്റെ ഒരുക്കത്തിനായി പൂക്കടയില്‍ ഒത്ത് കൂടിയിരുന്നെന്നും ജാഥ സമയത്ത് എടുത്ത ഫോട്ടോയില്‍ ഉണ്ടായിരുന്ന വി.ദക്ഷിണാമൂര്‍ത്തിയുടെ വാച്ചിലെ സമയവും ചൂണ്ടിക്കാട്ടിയാണ് അന്ന് രാമന്‍പിള്ള പ്രോസിക്യൂഷനെ പൊളിച്ചടുക്കിയത്. അതുപോലൊരെണ്ണം ദിലീപിന്റെ കേസിലും പ്രതീക്ഷിക്കുകയാണ് അദ്ദേഹത്തോട് അടുപ്പവും സ്‌നേഹവും ഉള്ളവരും.