നഴ്‌സുമാര്‍ മുംബൈയില്‍ നിന്നും കൊച്ചിയിലേക്ക് തിരിച്ചു, 12 മണിയോടെ കൊച്ചിയില്‍ എത്തും, സ്വീകരിക്കാന്‍ മുഖ്യമന്ത്രിയും വിഎസും; വെറും കൈയ്യോടെ എത്തുന്ന നഴ്സുമാര്ക്ക് എസ്.യു.ടി. യില്‍ ജോലിനല്‍കും
നഴ്‌സുമാരെ സ്വീകരിക്കാന്‍ നെടുമ്പാശേരിയില്‍ വിപുലമായ ക്രമീകരണങ്ങള്‍ ഒരുക്കിയിട്ടുണ്ട്‌. മുഖ്യമന്ത്രി ഉമ്മന്‍ ചാണ്ടിയും പ്രതിപക്ഷ നേതാവ്‌ വിഎസ്‌ അച്യുതാനന്ദനും നെടുമ്പാശേരിയിലെത്തും. 45 മലയാളികളും ഒരു തമിഴ്‌നാട് സ്വദേശിനിയുമാണ് സംഘത്തിലുള്ളത്.
അതേസമയം, ഇറാഖില്‍ നിന്നും മടങ്ങിവരുന്ന നഴ്സുമാര്ക്ക് തിരുവനന്തപുരം എസ്.യു.ടിയില്‍ ജോലി നല്‍കുമെന്ന് ആരോഗ്യ മന്ത്രി വി.എസ് ശിവകുമാര്‍ അറിയിച്ചു. നഴ്സുമാര്ക്ക് ജോലിവാഗ്ദാനവുമായി എന്‍എംസി ഗ്രൂപ്പ് ഉടമയും എസ്.യു.ടി. ആശുപത്രി ചെയര്‍മാനുമായ ബി.ആര്‍ ഷെട്ടിയും രംഗത്തെത്തിയിട്ടുണ്ട്.
ഇറാഖിനുള്ളിലും പുറത്തുമായി നടത്തിയ ശ്രമങ്ങളുടെ ഫലമായാണ് മോചനം സാധ്യമായതെന്ന് വിദേശകാര്യ മന്ത്രാലയം അറിയിച്ചു. ഇറാഖില്‍ കുടുങ്ങിയ മറ്റ് ഇന്ത്യക്കാരെയും നാട്ടിലെത്തിക്കാനുള്ള ശ്രമങ്ങള്‍ നടത്തുമെന്നും വിദേശകാര്യ മന്ത്രാലയം അറിയിച്ചു.
കുര്‍ദ്ദിസ്ഥാന്‍ അതിര്‍ത്തിയില്‍ നിന്നും നഴ്‌സുമാരെ എംബസിയുടെ വാഹനത്തില്‍ വിമാനത്താവളത്തില്‍ എത്തിക്കുകയായിരുന്നു. രണ്ട് നയതന്ത്ര പ്രതിനിധികള്‍ നഴ്‌സുമാര്‍ക്കൊപ്പം വിമാനത്തിലുണ്ടാകും.
നഴ്‌സുമാരുടെ ബന്ധുക്കളാണ് മടങ്ങി വരവിനെ കുറിച്ച് ആദ്യം വിവരം നല്‍കിയത്. നാട്ടിലേക്ക് മടങ്ങാന്‍ തയ്യാറാവാന്‍ വിമതര്‍ പറഞ്ഞതായി നഴ്‌സുമാര്‍ അറിയിച്ചതായാണ് ബന്ധുക്കള്‍ വിവരം നല്‍കിയത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
