അവര് മടങ്ങിയെത്തി... നിറ കണ്ണുകളോടെ തങ്ങളുടെ പൊന്നോമനകളെ ബന്ധുക്കള് സ്വീകരിച്ചു
ബന്ധുക്കളുള്പ്പെടെ ഒരു നാടു തന്നെ അവരെ സ്വീകരിക്കാന് വിമാനത്താവളത്തിലെത്തി. സംസ്ഥാന സര്ക്കാരിന് വേണ്ടി മുഖ്യമന്ത്രി ഉമ്മന് ചാണ്ടിയും മറ്റ് മന്ത്രിമാരും എത്തി. പ്രതിപക്ഷ നേതാവ് വിഎസ് അച്യുതാനന്ദനും നഴ്സുമാരെ സ്വീകരിക്കാന് എത്തി. വികാര നിര്ഭരമായ അന്തരീക്ഷമായിരുന്നു നെടുമ്പാശേരിയില്.
ദേശീയ അന്തര്ദേശീയ മാധ്യമങ്ങള് ഉള്പ്പെടെ നഴ്സുമാരുടെ വരവിനെ റിപ്പോര്ട്ട് ചെയ്യാന് എത്തിയിരുന്നു.
25 ദിവസം നീണ്ട ദുരിത പര്വത്തിനൊടുവില് ആപത്തില്ലാതെ ജന്മനാട്ടില് കാലുകുത്തുന്നതിന്റെ ആഹ്ലാദവും ആവേശവും അവര് പരസ്പരം പങ്കു വച്ചു. നഴ്സുമാരെ സ്വീകരിക്കാന് സര്വവും സജ്ജമാക്കി നെടുമ്പാശേരി വിമാനത്താവളത്തില് അധികതര് കാത്തു നില്പുണ്ടായിരുന്നു.
വിമാനത്തില് നിന്നിറങ്ങിയ നഴ്സുമാര്ക്ക് പൂച്ചെണ്ടുകള് നല്കിയാണ് സ്വീകരിച്ചത്. ഇതിനിടയില് തന്നെ തങ്ങളുടെ മോചനത്തിനായി പ്രവര്ത്തിച്ച മുഖ്യമന്ത്രിക്കും മറ്റുള്ളവര്ക്കും നഴ്സുമാര് നന്ദി രേഖപ്പെടുത്തി. പിന്നെ തങ്ങളെ കാത്തു നിന്ന മാതാപിതാക്കള്ക്കരികിലേക്ക്. മാതാപിതാക്കളെ കെട്ടിപ്പിടിച്ചു കരഞ്ഞു. മാതാപിതാക്കളും അവരെ വാരിപ്പുണര്ന്നു. എല്ലാവരും തേങ്ങലടക്കാന് പാടുപെട്ടു. വിമാനത്താവളത്തിലെ രംഗങ്ങള് കണ്ടുനിന്നവരുടെ കണ്ണുകളേയും ഈറനണിയിച്ചു.
കൊച്ചിയില് നിന്നുള്ള യാത്രക്കാരെ അവിടെ ഇറക്കിയതിനു ശേഷം വിമാനം നേരെ ഹൈദരാബാദിലേക്കാണ് പോകുന്നത്. ഹൈദരബാദിലുള്ള യാത്രക്കാരെ ഇറക്കിയതിന് ശേഷം ഉത്തരേന്ത്യക്കാരായ യാത്രക്കാരെ ഇറക്കാന് വിമാനം ഡല്ഹിയിലേക്ക് പോകും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
