നന്ദി, നന്ദി, നന്ദി... മലയാളി വാര്ത്തയുടെ ഫേസ്ബുക്ക് ലൈക്ക് ഒരുലക്ഷം കടന്നു
ചുരുങ്ങിയ നാള് കൊണ്ട് ഓണ്ലൈന് രംഗത്ത് വ്യത്യസ്ഥമായ വാര്ത്താനുഭവം നല്കി മുന്നേറുന്ന മലയാളി വാര്ത്തയുടെ ഫേസ്ബുക്ക് ലൈക്ക് ഒരു ലക്ഷം കടന്നു.
ലേകത്തെവിടെയായിരുന്നാലും തങ്ങളുടെ നാട്ടിലെ വിശേഷങ്ങള് അറിയാന് ആഗ്രഹിക്കുന്നവരാണ് മലയാളികള്. സമയത്തിന്റെ കുറവ് കാരണം പലര്ക്കും പത്രത്തിന്റെ മുമ്പിലോ, ടിവിയുടെ മുമ്പിലോ ഇരിക്കാന് നേരമില്ല. മൊബൈല് ഫോണില് പോലും ഇന്റര്നെറ്റ് സാധ്യമായതോടെ സോഷ്യല് മീഡിയയും സജീവമായി. ഇത് മനസിലാക്കിയാണ് കേവലം ഒന്നര വര്ഷം മുമ്പ് സൈബര് ജേണലിസത്തിന്റെ പുതിയ സാധ്യതകള് കണ്ടറിഞ്ഞ് മലയാളിവാര്ത്തയ്ക്ക് രൂപം നല്കിയത്.
തുടക്കം മുതല് തന്നെ എസ്ക്ലൂസിവ് വാര്ത്തകള് നല്കി ഓണ്ലൈന് ലോകത്ത് മലയാളി വാര്ത്ത ശ്രദ്ധ നേടി. ഞങ്ങള് നല്കിയ പല വാര്ത്തകളേയും അതിശയോക്തി കലര്ന്ന് പലരും ചോദ്യം ചെയ്തിട്ടുണ്ട്. എന്നാല് കാലക്രമേണ മലയാളി വാര്ത്ത നല്കിയ വാര്ത്തകള് സത്യമാണെന്ന് തെളിഞ്ഞിട്ടുണ്ട്. സര്ക്കാര് തലത്തിലും രാഷ്ട്രീയത്തിലും സിനിമയിലും എല്ലാം സജീവമായി ബന്ധമുള്ള അനുഭവജ്ഞാനമുള്ള ജേര്ണലിസ്റ്റുകളാണ് ഈ എസ്ക്ലൂസീവ് വാര്ത്തകള് തയ്യാറാക്കുന്നത്. അത് കൊണ്ട് തന്നെയാണ് മറ്റൊരു മാധ്യമത്തിലും വരുന്നതിന് മുമ്പേ മലയാളി വാര്ത്തയില് ഇതാദ്യം വരുന്നത്.
മലയാളി വാര്ത്തയുടെ ജീവന് ലോകത്തെമ്പാടുമുള്ള ഓണ് ലൈന് വായനക്കാരാണ്. അതില് ഞങ്ങളെ അഭിനന്ദിക്കുന്നവരും വിമര്ശിക്കുന്നവരുമുണ്ട്. എല്ലാവരുടേയും കമന്റുകള് ഞങ്ങള് ശ്രദ്ധാപൂര്വം വായിക്കാറുണ്ട്. ചില വാര്ത്തകള് നല്കുമ്പോള് എതിര് രാഷ്ട്രീയ മനോഭാവികള് അതിനെ രൂക്ഷമായി വിമര്ശിക്കുന്നുണ്ട്. അവരുടെ വിമര്ശനം ഞങ്ങള് മാനിക്കുന്നു. അവര് ഞങ്ങളുടെ മുമ്പത്തെ വാര്ത്തകള് കൂടി വായിക്കുക. അപ്പോള് മനസിലാകും ഞങ്ങള്ക്ക് ഒരു രാഷ്ട്രീയ പാര്ട്ടിയോടും മമതയില്ല. പ്രത്യേകിച്ച് എതിര്പ്പുമില്ല. നല്ലത് ചെയ്താല് വാനോളം പുകഴ്ത്തും. ജനഹിതത്തിന് എതിരായാല് ആരായിരുന്നാലും അവരുടെ തെറ്റുകള് തെളിവു സഹിതം നല്കുകയും ചെയ്യും. അവിടെ രാഷ്ട്രീയമോ മതമോ ഒന്നുമില്ല.
ഒരുലക്ഷം സ്ഥിരം വായനക്കാരോടെ മലയാളി വാര്ത്ത മുന്നേറുന്ന ഈ മുഹൂര്ത്തത്തില് ഞങ്ങളെ വളര്ത്തിയ എല്ലാ പ്രിയ വായനക്കാര്ക്കും ഒരായിരം നന്ദി. തുടര്ന്നും വായനക്കാരുടെ സജീവമായ സഹകരണം പ്രതീക്ഷിക്കുന്നു. ഒപ്പം നിങ്ങളുടെ നിര്ദ്ദേശങ്ങളും ഞങ്ങളെ അറിയിക്കുക.
എഡിറ്റര്
മലയാളിവാര്ത്ത
malayalivartha.com@gmail.com
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
