രാജിവയ്‌ക്കാത്തവര്‍ക്ക്‌ നാടുകടത്തല്‍ .... വക്കം പുരുഷോത്തമന്‍ ഉള്‍പ്പെടെയുള്ള ഗവര്ണര്മാര്ക്ക് സ്ഥലം മാറ്റം, ഷീല ദീക്ഷിത്‌ രാജിവച്ചേക്കും
രാജിവയ്‌ക്കാന്‍ തയ്യാറാകാതിരുന്ന യുപിഎ സര്‍ക്കാര്‍ നിയമിച്ച ഗവര്ണര്മാര്ക്ക് സ്ഥലംമാറ്റം. എന്‍.ഡി.എ സര്‍ക്കാര്‍ അധികാരത്തില്‍ വന്നതിന് പിന്നാലെ കഴിഞ്ഞ യു.പി.എ സര്‍ക്കാര്‍ നിയമിച്ച ഗവര്‍ണര്‍മാരെ പുറത്താക്കാനുള്ള നീക്കങ്ങള്‍ ആരംഭിച്ചിരുന്നു. ഇതിന്റെ ഭാഗമായി ഗവര്‍ണര്‍മാരോട് രാജിവച്ചൊഴിയാനും സര്‍ക്കാര്‍ ആവശ്യപ്പെട്ടിരുന്നു. ഇത്‌ കേള്‍ക്കാത്തതിനെ തുടര്‍ന്ന്‌ ഗവര്‍ണര്‍മാരെ സ്ഥലം മാറ്റി.
വക്കം പുരുഷോത്തമനെ നാഗാലാന്റിലേക്കാണ്‌ മാറ്റിയത്‌. ത്രിപുരയുടെ അധികചുമതല തുടരും. മോദിയുമായി അഭിപ്രായ വ്യത്യാസത്തിലായിരുന്ന ഗുജറാത്ത് ഗവര്‍ണര്‍ കമല ബെനിവാളിനെ മിസോറാമിലേക്ക് മാറ്റി. മാര്‍ഗരറ്റ് ആല്‍വയ്ക്ക് ഗുജറാത്തിന്റെ അധികചുമതല നല്‍കി. ഏഴ് സംസ്ഥാനങ്ങളിലേക്കുള്ള ഗവര്‍ണര്‍മാരുടെ പ്രഖ്യാപനം ഇതിനോടനുബന്ധിച്ച് ഉണ്ടാകുമെന്നാണ് സൂചന. ഒ രാജഗോപാല്‍ കര്‍ണാടക ഗവര്‍ണറായേക്കുമെന്നും റിപ്പോര്‍ട്ടുകളുണ്ട്.
അതേസമയം യുപിഎ സര്‍ക്കാര്‍ നിയമിച്ച മറ്റൊരു ഗവര്‍ണറായ ഷീലാ ദീക്ഷിത്‌ രാജി വച്ചേക്കുമെന്ന്‌ സൂചനയുണ്ട്‌. അഴിമതി കേസില്‍ ഷീല ദീക്ഷിതിനെ ചോദ്യം ചെയ്യാനൊരുങ്ങുന്ന സാഹചര്യത്തിലാണിത്‌. ഡല്‍ഹിയില്‍ എത്തിയ ഷീല ദീക്ഷിത്‌ രാഷ്‌ടപതി, ഉപരാഷ്‌ട്രപതി, പ്രധാനമന്ത്രി തുടങ്ങിയവരുമായി ചര്‍ച്ച നടത്തും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
