മുഖ്യമന്ത്രിയായാലും നോക്കുകൂലി വാങ്ങും? നോക്കുകൂലി ചോദിച്ച് ഐഎഎസുകാരിയെ ഭീഷണിപ്പെടുത്തിയ സിഐടിയു നേതാവ് അറസ്റ്റില്
മുഖ്യമന്ത്രിയായാലും നോക്കുകൂലി വാങ്ങുമെന്ന് പറഞ്ഞ് ഐഎഎസ് ഉദ്യോഗസ്ഥയെ ഭീഷണിപ്പെടുത്തിയ സിഐടിയു നേതാവ് അറസ്റ്റില്. ഭക്ഷ്യസുരക്ഷ കമ്മിഷണര് ടി.വി. അനുപമയെ ഭീഷണിപ്പെടുത്തിയ സിഐടിയു യൂണിയന് കണ്വീനര് മുരളിയെയാണു മെഡിക്കല് കോളജ് പൊലീസ് അറസ്റ്റ് ചെയ്തത്.
ഭക്ഷ്യസുരക്ഷാ കമ്മിഷണറായി ചുമതലയേറ്റ അനുപമ കഴിഞ്ഞ 26നാണു കേശദാസപുരത്തെ വാടകവീട്ടിലേക്കു താമസം മാറിയത്. കണ്ണൂരിലെ താമസസ്ഥലത്തു നിന്നെത്തിച്ച വീട്ടുപകരണങ്ങള് ലോറിയില് നിന്ന് ഇറക്കിത്തീരാറായപ്പോഴാണു ചുമട്ടുതൊഴിലാളികളെത്തിയത്.
യൂണിയന് തൊഴിലാളികളെ അറിയിക്കാതെ സാധനങ്ങള് ഇറക്കിയതിനാല് നോക്കുകൂലി വേണമെന്ന് അവര് ആവശ്യപ്പെട്ടു. വീട്ടുപകരണങ്ങള് മാത്രമാണെന്നും എല്ലാം ഇറക്കിയതിനാല് നോക്കുകൂലി നല്കാനാകില്ലെന്നും അനുപമ നിലപാടെടുത്തു. പിന്നീടു സിഐടിയു പ്രവര്ത്തകര് പതിവായി വീട്ടിലെത്തി അനുപമയെയും വീട്ടുടമയെയും ഭീഷണിപ്പെടുത്താന് തുടങ്ങി. അനുപമ ഐഎഎസ് ഉദ്യോഗസ്ഥയാണെന്നു വീട്ടുടമ അറിയിച്ചെങ്കിലും തൊഴിലാളികള് വഴങ്ങിയില്ല.
ശനിയാഴ്ച രാവിലെ ഭീഷണിയുമായി വീട്ടിലെത്തിയ സംഘം വൈകുന്നേരത്തിനകം പണം നല്കണമെന്ന് അന്ത്യശാസനം നല്കി. യൂണിയന് കണ്വീനര് മുരളിയുടെ ഫോണ് നമ്പരും നല്കി. തുടര്ന്ന് അനുപമ ഡിസിപി അജീതാ ബീഗത്തിനു പരാതി നല്കുകയായിരുന്നു. മെഡിക്കല് കോളജ് പൊലീസ് അന്വേഷണം നടത്തി മുരളിയെ അറസ്റ്റ് ചെയ്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
