ഭാര്യ ഭര്ത്താവിനെ വെട്ടിനുറുക്കി എട്ട് കഷ്ണങ്ങളാക്കി,വീട്ടിലെ വിവിധഭാഗങ്ങളില് ശരീരഭാഗങ്ങള് കുഴിച്ചിട്ടു, തല തറയില് കുഴിച്ചു മൂടി, കാമുകനുമായി ജീവിക്കാന് അനുവദിക്കാത്തതിലാണ് ഭാര്യ ഭര്ത്താവിനോട് ഈ ക്രൂരത ചെയ്തതു,നാടിനെ നടുക്കിയ സംഭവം ഇങ്ങനെ...
കാമുകനുമായി ഒരുമിച്ച് ജീവിക്കാന് അനുവദിക്കാത്തതിനെ തുടര്ന്നാണ് ഭര്ത്താവിനെ എട്ട് കഷ്ണങ്ങളായി ഭാര്യ വെട്ടിനുറുക്കിയത്. വര്ഷങ്ങളായി തുടങ്ങിയ ബന്ധം ഭര്ത്താവ് തുടരാന് സമ്മതിച്ചില്ല.കൊല്ലുക അല്ലാതെ മറ്റ് മാര്ഗമൊന്നുമില്ലെന്ന് ആ യുവതി ചിന്തിച്ചു.
അവിഹിത ബന്ധത്തിന് തടസം നിന്ന ഭര്ത്താവിനെ കൊന്ന് മൃതദേഹം എട്ട് കഷണങ്ങളാക്കിയ കേസില് സ്ത്രീയ്ക്ക് 30 വര്ഷം തടവ്. കൊല്ലപ്പെട്ടയാളുടെ ഭാര്യ പൂജയ്ക്കാണ് തടവു ശിക്ഷ. കേസില് ശിക്ഷ വിധിച്ച ഹരിയാനയിലെ ഝജ്ജാര് കോടതി നാലുപേരെ വെറുതെ വിട്ടു. മുപ്പതു വയസ്സുകാരിയാണ് പൂജ.
കഴിഞ്ഞ വര്ഷം ഏപ്രിലില് ഝജ്ജാര് ജില്ലയിലെ അസാന്ഡ ഗ്രാമത്തിലാണ് 38 കാരനായ ബജ്ലീതുകൊല്ലപ്പെടുന്നത്. അവിഹിതത്തിന് ഭര്ത്താവ് തടസ്സം നിന്നതാണ് കൊലയിലേയ്ക്ക് നയിച്ചതെന്ന് പൊലീസ് കണ്ടെത്തിയിരുന്നു.
ജേഷ്ഠനെ കാണാനില്ലെന്ന ബജ്ലീതിന്റെ സഹോദരന്റെ പരാതിയില് നടത്തിയ അന്വേഷണമാണ് ഞെട്ടിക്കുന്ന കൊലപാതകത്തിന്റെ മറനീക്കിയത്. ബജ്ലീതിനെ അന്വേഷിച്ച് സഹോദരി വീട്ടിലെത്തിയെങ്കിലും കാണാന് കഴിഞ്ഞില്ലെന്നും ഭാര്യയില് നിന്നും വ്യക്തമായ മറുപടി ലഭിച്ചില്ലെന്നും പരാതിയില് പറഞ്ഞിരുന്നു.
ഇതിനിടെ വീട്ടിലെ അടച്ചിട്ട മുറിയില് നിന്നും ദുര്ഗ്ഗന്ധം വമിച്ചതിനെ തുടര്ന്ന് നടത്തിയ അന്വേഷണത്തിലാണ് കൊലയിലെ ചുരള് അഴിഞ്ഞത്. മുറിയിലെ സ്യൂട്ട്കെയ്സില് നിന്നാണ് ദുര്ഗ്ഗന്ധം വരുന്നതെന്ന് അവര് തിരിച്ചറിഞ്ഞു.
സ്യൂട്ട്കെയ്സിലില് കണ്ടത് തലയില്ലാത്ത മൃതദേഹമായിരുന്നു. തുടര്ന്ന് നടന്ന പരിശോധനയില് കെട്ടിടത്തിന്റെ വിവിധ ഭാഗങ്ങളില് ഒളിപ്പിച്ച ബാക്കിയുള്ള ശരീര ഭാഗവും കണ്ടെത്തി. തല തറയില് കുഴിച്ചു മൂടിയ അവസ്ഥയിലായിരുന്നു.പൂജ ഒറ്റയ്ക്കാണ് ഇതെല്ലാം ചെയ്തതെന്ന് പോലീസ് പറഞ്ഞു.
https://www.facebook.com/Malayalivartha
