നീലകുറിഞ്ഞി ഉദ്യാനം കൈയ്യേറിയതുമായി ബന്ധപ്പെട്ട് രണ്ട് കമ്പനികള്ക്ക് കളക്ടറുടെ നോട്ടീസ്
മൂന്നാറിലെ നീലക്കുറിഞ്ഞി ഉദ്യാനം കൈയ്യേറിയതുമായി ബന്ധപ്പെട്ട് രണ്ട് വന്കിട കമ്പനികള്ക്ക് ദേവികുളം സബ് കളക്ടര് നോട്ടിസയച്ചു. ജോര്ജ് മൈജോ, റോയല് പ്ളാന്റേഷന് എന്നീ കന്പനികള്ക്കാണ് നോട്ടീസ്. ജോര്ജ് മൈജോയോട് ജനുവരി ആദ്യവാരത്തിലും റോയല് പ്ലാന്റേന്മഷന് ഫെബ്രുവരി ആദ്യവാരത്തിലും ഭൂരേഖകള് ഹാജരാക്കനാാണ് കളക്ടര് നിര്ദ്ദേശിച്ചിരിക്കുന്നത്. സി.പി.എം.കൗണ്സിലര് ജോണ് ജേക്കബാണ് റോയല് പ്ലാന്റേഷന്റെ ഉടമസ്ഥന്. നീലക്കുറിഞ്ഞി ഉദ്യാനത്തിന്റെ ഭാഗമായ കൊട്ടാക്കമ്പൂരില് 330 ഏക്കര് ഭൂമി ചെന്നൈ ആസ്ഥാനമായ ജോര്ജ് മൈജോ ഗ്രൂപ്പ് ബിനാമി പേരുകളില് വ്യാജപട്ടയങ്ങള് ചമച്ച് സ്വന്തമാക്കിയെന്ന് നേരത്തെ കളക്ടര് റിപ്പോര്ട്ട് നല്കിയത്
കൊട്ടാക്കമ്പൂരിലെ 151 പട്ടയങ്ങളില് 100 എണ്ണവും ഈ കമ്പനിയുടെ കൈവശമാണ്. 100ല് 24 പട്ടയങ്ങള് മൈജോ ജോസഫിന്റെ പേരിലും ശേഷിക്കുന്ന 76 പട്ടയങ്ങള് തമിഴ് കര്ഷകരുടെ പേരിലുമാണ്. ഇവയില് ഭൂരിഭാഗവും വ്യാജ പട്ടയങ്ങളാണെന്ന് കണ്ടെത്തിയിരുന്നു. പട്ടയം ലഭിച്ചവരില് 80 ശതമാനവും പ്രദേശവാസികളോ, കര്ഷകരോ അല്ല.
1993ല് തരപ്പെടുത്തിയ പട്ടയങ്ങളുടെ പവര് ഓഫ് അറ്റോര്ണി മൈജോ ജോസഫ് പിന്നീടു ബെനാമികളുടെ പേരിലേക്കു മാറ്റിയതായും റിപ്പോര്ട്ടില് പറയുന്നു. മൈജോ ജോസഫ് സ്വന്തമെന്ന് അവകാശപ്പെടുന്ന ഭൂമി റവന്യു വകുപ്പിന്റെ ഭൂമിയാണെന്നു സ്ഥലപരിശോധനയില് വ്യക്തമായിരുന്നു.
https://www.facebook.com/Malayalivartha
