അപമാനിക്കല് തുടര്ന്നാല് രാഷ്ട്രീയം വിടും, ഒറ്റപ്പെടുത്തി വേട്ടയാടാന് ശ്രമം, പലതും തുറന്ന് പറയേണ്ടിവരും: കാനത്തിനെതിരെ ആഞ്ഞടിച്ച് കെ.ഇ ഇസ്മയില്
മലപ്പുറത്ത് നടക്കുന്ന സംസ്ഥാന സമ്മേളനത്തിനിടെ സി.പി.ഐയില് പൊട്ടിത്തെറി. അപമാനിക്കല് തുടര്ന്നാല് രാഷ്ട്രീയം ഉപേക്ഷിക്കേണ്ടിവരുമെന്ന്് കാട്ടി ദേശീയ നിര്വാഹക സമിതിഅംഗം കെ.ഇ ഇസ്മയില് കേന്ദ്രനേതൃത്വത്തിന് പരാതി നല്കി. സംസ്ഥാന നേതൃതത്വത്തില് ഭിന്നതകളുണ്ടെന്ന് പാര്ട്ടി ദേശീയ സെക്രട്ടറി സുധാകര് റെഡ്ഡി സൂചന നല്കി. അതേസമയം കെ.ഇസ്മയില് പരാതി നല്കിയിട്ടുണ്ടോ എന്ന് മാധ്യമപ്രവര്ത്തകര് ചോദിച്ചപ്പോള് അത് ആഭ്യന്തരപ്രശ്നമാണെന്നാണ് പറഞ്ഞത്. കട്രോള് കമ്മിഷന് റിപ്പോര്ട്ടിലെ ഭാഗങ്ങള് സമ്മേളനത്തിന്റെ ഭാഗമായുള്ള പ്രവര്ത്തന റിപ്പോര്ട്ടില് ഉള്പ്പെടുത്തിയത് ശരിയായില്ല. ഒറ്റപ്പെടുത്തി തന്നെ വേട്ടയാടാന് ശ്രമിക്കുന്നു. അഴിമതിക്കാരനും സ്വജനപക്ഷപാതിയുമാക്കാന് നീക്കം. ഇത് ബോധപൂര്വം അപമാനിക്കാനുള്ള ശ്രമമാണെന്നും കേന്ദ്രനേതൃത്വം ഇക്കാര്യം ഗൗരവമായി കാണണമെന്നും കെ.ഇ കത്തില് പറയുന്നു.
https://www.facebook.com/Malayalivartha
