ആലപ്പുഴ കളക്ടര് ടി.വി അനുപമയ്ക്ക് കാര്യപ്രാപ്തിയില്ലെന്ന് ഹൈക്കോടതി, ആവര്ത്തിച്ച് തെറ്റ് വരുത്താന് കളക്ടര് എല്.കെ.ജി സ്റ്റുഡന്റ് അല്ലല്ലോ, ലേക്ക്പാലസിന് നല്കിയ നോട്ടീസില് സര്വേ നമ്പര് തെറ്റായി രേഖപ്പെടുത്തിയതിനാണ് വിമര്ശനം
മുന്മന്ത്രി തോമസ് ചാണ്ടിയുടെ ഉടമസ്ഥതയിലുള്ള ലേക്ക്പാലസ് റിസോര്ട്ടിന് നല്കിയ നോട്ടീസില് സര്വേ നമ്പര് തെറ്റായി രേഖപ്പെടുത്തിയതിന് ആലപ്പുഴ കളക്ടര് ടി.വി അനുപമയ്ക്കെതിരെ ഹൈക്കോടതിയുടെ രൂക്ഷവിമര്ശനം. കളക്ടര്ക്ക് കുറച്ച് ഉത്തരവാദിത്തമുണ്ട്, ആദ്യം നല്കിയ നോട്ടീസില് പിഴവുകണ്ടായിരുന്നു. അത് ക്ഷമിക്കാം, എന്നാല് രണ്ടാമത് നല്കിയ നോട്ടീസിലും സര്വേ നമ്പരുകള് തെറ്റായി രേഖപ്പെടുത്തി. ഇതിനെ എങ്ങനെ വിശേഷിപ്പിക്കണമെന്ന് അറിയില്ല. കളക്ടര്ക്ക് കാര്യപ്രാപ്തിയില്ലെന്നാണ് ഇത് സൂചിപ്പിക്കുന്നത്. നിങ്ങള് യഥാര്ത്ഥ ആള്ക്ക് തന്നെയാണോ നോട്ടീസ് അയയ്ക്കുന്നതെന്നും കോടതി പരിഹസിച്ചു. തെറ്റ് തിരുത്തി പുതിയ നോട്ടീസ് ഉടന് നല്കുമെന്ന് സ്റ്റേറ്റ് അറ്റോര്ണി കോടതിയെ അറിയിച്ചു.
വലിയകുളം- സീറോജെട്ടി റോഡ് തണ്ണിര്ത്തടം മണ്ണിട്ട് നികത്തി നിര്മിച്ചെന്ന് കാട്ടിയാണ് കലക്ടര് ലേക്ക്പാലസ് റിസോര്ട്ടിന ്ആദ്യം നോട്ടീസ് നല്കിയത്. ഇതിനെതിരെ തോമസ് ചാണ്ടി ഹൈക്കോടതിയില് ഹര്ജി നല്കിയിരുന്നു. ഇതോടെ നോട്ടീസില് സര്വേ നമ്പരുകള് തെറ്റായി രേഖപ്പെടുത്തിയത് ശ്രദ്ധയില്പ്പെട്ട കലക്ടര് രണ്ടാമതും നോട്ടീസ് നല്കി. അതിലും തെറ്റുകള് ആവര്ത്തിച്ചതോടെയാണ് രണ്ടാമതും നോട്ടീസ് നല്കിയത്.
ഇതിനെതിരെ തോമസ് ചാണ്ടി ഹൈക്കോടതിയെ സമീപിക്കുകയായിരുന്നു. ഇതോടെ പുതിയ നോട്ടീസ് നല്കുമെന്ന് കളക്ടര് അറിയിച്ച വിവരം സര്ക്കാര് കോടതിയെ അറിയിച്ചതോടെയാണ് വിമര്ശനം ഉണ്ടായത്. ആവര്ത്തിച്ച് തെറ്റുകള് വരുത്താന് കളക്ടര് എല്.കെ.ജി വിദ്യാര്ത്ഥിയല്ലല്ലോ എന്നും കോടതി ചോദിച്ചു. ഇതിന് കൃത്യമായി മറുപടി നല്കാന് സ്റ്റേറ്റ് അറ്റോര്ണി തയ്യാറായില്ല. രണ്ട് നോട്ടീസുകളും റദ്ദാക്കുകയാണെന്ന് കോടതി അറിയിച്ചു. അറ്റോര്ണി അതിനെ എതിര്ത്തുമില്ല.
https://www.facebook.com/Malayalivartha
