മദ്യത്തിന് വിലകൂടിയതോടെ ചാരയത്തിന് പ്രീയം; വില്പ്പന തകൃതിയാക്കിയ യുവാവ് 27 ലിറ്റര് ചാരായവുമായി പിടിയില്
ഓപ്പറേഷന് ബ്രോക്കണ് വിന്ഡോയുടെ ഭാഗമായി കൊല്ലം സിറ്റി പൊലീസ് കമ്മീഷണര് ഡോ. ശ്രീനിവാസ് എ ഐ.പി.എസിന് ലഭിച്ച രഹസ്യവിവരത്തിന്റെ അടിസ്ഥനത്തില് സിറ്റി പോലീസ് ഷാഡോ ടീം ശക്തികുളങ്ങരയില് നടത്തിയ മിന്നല് പരിശോധനയില് 27 ലിറ്റര് ചാരായവും പതിനായിരം രൂപയുമായി യുവാവ് പിടിയിലായി. കൊച്ചയ്യത്ത് തറയില് രാധ ഭവനം വീട്ടില് പുരുഷന് മകന് അജി (45) ആണ് പിടിയിലായത്.
ജില്ലയില് വ്യാജ ചാരായത്തിന്റെ വിപണനവും ഉല്പ്പാദനവും നടക്കുന്നതായുളള രഹസ്യ വിവരം ലഭിച്ചതിനെ തുടര്ന്ന് സ്പെഷ്യല് ബ്രാഞ്ച് അസിസ്റ്റന്റ് കമ്മീഷണര് എസ്.ഷിഹാബുദ്ദീന്റെ നേതൃത്വത്തില് ദിവസങ്ങളായി നടത്തി വന്ന രഹസ്യ നിരീക്ഷണത്തിന് ശേഷമാണ് അജി വലയിലായത്. ജില്ലയില് ഡ്രൈ ഡേ ദിവസങ്ങളില് വില്പ്പനയ്ക്കായി സൂക്ഷിച്ച് വന്നിരുന്ന വ്യാജ ചാരായമാണ് കണ്ടെടുത്തത്. അടുത്ത കാലത്തായി നടത്തിയ പരിശോധനകളില് ഏറ്റവും വലിയ ചാരായ വേട്ടയാണ് നടന്നത്. മദ്യവില്പ്പനശാലകള്ക്ക് അവധിയുളള ദിവസങ്ങളില് വീടുകളും സ്ഥാപനങ്ങളും കേന്ദ്രീകരിച്ച് വിദേശ മദ്യം സംഭരിച്ച് വിപണനം നടത്തുന്നവരുടെ വിവരങ്ങള് ശേഖരിച്ചതായും വരും ദിവസങ്ങളില് അത്തരക്കാരുടെ വീടുകളിലും സ്ഥാപനങ്ങളിലും പരിശോധന ശക്തമാക്കുമെന്നും കമ്മീഷണര് അറിയിച്ചു.
കൊല്ലം അസിറ്റന്റ് കമ്മീഷണര് ജോര്ജ്ജ് കോശി, ശക്തികുളങ്ങര എസ്സ്.ഐ ഫയാസ്, എസ്സ്.ഐ ഉണ്ണി, എ.എസ്സ്.ഐ റസല് ജോര്ജ്ജ് എന്നിവര്ക്ക് പുറമേ ഷാഡോ പൊലീസ് എസ്സ്. ഐ വിപിന്കുമാര് യൂ.പി ടീമംഗങ്ങളായ ഹരി, സീനു, മനു, സജു, മണികണ്ഠന് എന്നിവര് ചേര്ന്നാണ് പ്രതിയെ പിടികൂടിയത്.
https://www.facebook.com/Malayalivartha
