സി.പി.ഐക്കാര്‍ കുത്തിക്കൊലപ്പെടുത്തിയ എം.എസ്.എഫ് പ്രവര്‍ത്തകന്‍ സഫറിന്റെ മണ്ണാര്‍കാട്ടെ വസതിയില്‍ മുഖ്യമന്ത്രി പിണറായി വിജയന്‍ സന്ദര്‍ശനം നടത്തി. സി.പി.ഐ സംസ്ഥാന സമ്മേളനത്തിന്റെ ഭാഗമായുള്ള സെമിനാറില്‍ പങ്കെടുക്കാന്‍ പോകുന്ന യാത്രാമധ്യേയാണ് പിണറായി വീട്ടിലെത്തിയത്. ലീഗ് എം.എല്‍.എ എന്‍.ഷംസുദ്ദീനും അദ്ദേഹത്തിനൊപ്പം ഉണ്ടായിരുന്നു. സി.പി.എമ്മുകാര്‍ കൊലപ്പെടുത്തിയ ഷുഹൈബിന്റെ വീട്ടില്‍ മുഖ്യമന്ത്രിയോ, മന്ത്രിമാരോ സന്ദര്‍ശനം നടത്തിയിരുന്നില്ല. അതേസമയം ക്വട്ടേഷന്‍ രാഷ്ട്രീയത്തിനെതിരെ സി.പി.ഐയുടെ പ്രവര്‍ത്തന റിപ്പോര്‍ട്ടില്‍ പ്രത്യേക പരാമര്‍ശമുള്ള സാഹചര്യത്തില്‍ സഫീറിന്റെ വീട് സന്ദര്‍ശിച്ച് കഴിഞ്ഞ് അദ്ദേഹം എന്ത് പറയുമെന്ന് രാഷ്ട്രീയകേരളം ഉറ്റുനോക്കുന്നുണ്ട്.

സഫറിന്റേത് രാഷ്ട്രീയ കൊലപാതകമല്ലെന്ന് പിതാവ് സിറാജ് വ്യക്തമാക്കുകയും പിന്നീട് തിരുത്തുകയും ചെയ്തിരുന്നു. മുസ്്‌ലിംലീഗ് കൗണ്‍സിലറാണ് സിറാജ്. കൊലനടത്തിയവരും സഫറും തമ്മില്‍ മുമ്പും വാക്ക്തര്‍ക്കങ്ങള്‍ ഉണ്ടായിട്ടുണ്ട്. പിന്നീടവര്‍ സി.പി.എമ്മിലേക്കും സി.പി.ഐയിലേക്കും ചേക്കേറുകയായിരുന്നു.