കെ.സുധാകരന് മാലാഖ ചമയുന്നത് ആരെ പറ്റിക്കാനെന്ന് ഇ.പി ജയരാജന്
കോണ്ഗ്രസ് നേതാവ് കെ.സുധാകരന് നിഷ്ക്കളങ്കനും ശാന്തിയുടെയും സമാധാനത്തിന്റെയും മാലാഖ ചമയുന്നത് ആരെ പറ്റിക്കാനാണെന്ന് സി.പി.എം കേന്ദ്രകമ്മിറ്റി അംഗം ഇ.പി ജയരാജന്. ആര്.എസ്.എസ് കൊടും ക്രിമിനലുകളെ തോക്കും പണവും നല്കി എന്നെ കൊല്ലാന് അയച്ച സുധാകരന് എന്റെ ശരീരത്തില് വെടിയേറ്റിട്ടുണ്ടെന്ന് വിശ്വസിക്കാത്തത് സ്വാഭാവികമാണെന്നും ഇ.പി ജയരാജന് വാര്ത്താസമ്മേളനത്തില് പറഞ്ഞു.
1995 ഏപ്രിലില് ചണ്ഡീഗഡില് നടന്ന സി.പി.എം പതിനഞ്ചാം പാര്ട്ടി കോണ്ഗ്രസില് പങ്കെടുത്ത് തിരിച്ച് വരുന്നതിനിടെയാണ് രാജധാനി എക്സ്പ്രസില് വെച്ച് എനിക്ക് നേരെ ആക്രമണം നടന്നത്. എനിക്ക് ഗുണ്ടകളുടെ വെടിയേറ്റിട്ടില്ലെന്ന് സുധാകരന് പറയാനാകുമോയെന്നും ജയരാജന് ചോദിച്ചു. സുധാകരന് ഗുണ്ടാ നേതാവാണ്. സുധാകരന് ഇപ്പോഴും കേസില് പ്രതിയാണ്. പിണറായി വിജയനെ വധിക്കാനാണ് ലക്ഷ്യമിട്ടത്. സുധാകരനെ പോലെ നിലവാരമില്ലാത്ത ഒരാളല്ല ഞാന്. മണല് മാഫിയ സംഘത്തെ പിടികൂടിയ സംഭവത്തില് പൊലീസിനെ ഭീഷണിപ്പെടുത്തിയ സംഭവത്തില് സുധാകരനെതിരെ ജാമ്യമില്ല കേസ് നിലവിലുണ്ടെന്നും ഇ.പി ജയരാജന് പറഞ്ഞു.
https://www.facebook.com/Malayalivartha
