ക്ലാസ്മുറിയില്‍ വെച്ച്‌ ദേശീയഗാനത്തോട് അനാദരവ് കാണിച്ചെന്ന പരാതിയില്‍ എസ്‌എഫ്‌ഐ നേതാവിനെ കോളേജില്‍ നിന്ന് സസ്പെന്‍ഡ് ചെയ്തു.

മൂവാറ്റുപുഴ നിര്‍മല കോളേജിലെ എസ്‌എഫ്‌ഐ മുന്‍ യൂണിറ്റ് സെക്രട്ടറി അസ്ലം സലീമിനെയാണ് സസ്പെന്‍ഡ് ചെയ്തത്. സംഭവത്തില്‍ കെ.എസ്.യു. പോലീസില്‍ പരാതി നല്‍കിയതിനെ തുടര്‍ന്നാണ് നടപടി.

കോളേജില്‍ ദേശീയഗാനം മുഴങ്ങുമ്ബോള്‍ ഇയാള്‍ അപഹാസ്യകരമായ രീതിയില്‍ പെരുമാറുന്ന ദൃശ്യങ്ങളും പുറത്തുവന്നിട്ടുണ്ട്.

കോളേജ് വിടുന്നതിന് മുമ്ബുള്ള ദേശീയഗാനത്തിനിടെ അസ്ലം ക്ലാസിനകത്തുകൂടെ നടക്കുന്നതും അറ്റന്‍ഷനായി നില്‍ക്കുന്ന സഹപാഠികളുടെ ദൃശ്യം മൊബൈലില്‍ പകര്‍ത്താന്‍ ശ്രമിക്കുന്നതും വീഡിയോയില്‍ കാണാം. ക്ലാസ് മധ്യത്തില്‍ വന്നുനിന്ന് ഹാസ്യരൂപേണ സല്യൂട്ട് ചെയ്യുന്നതും ദൃശ്യങ്ങളിലുണ്ട്.