ഫിനിക്സ് പക്ഷിയെ പോലെ ഉയര്ത്തെഴുന്നേല്ക്കുക തന്നെ ചെയ്യും, കോടതി വിമര്ശനങ്ങളില് ടി വി അനുപമ പ്രതികരിക്കുന്നത് ഇങ്ങനെ
മുന് മന്ത്രി തോമസ് ചാണ്ടിയുടെ കായല് കൈയ്യേറ്റ വിഷയത്തില് ഹൈക്കോടതിയില് വിമര്ശനമേറ്റ വിഷയത്തില് പ്രതികരണവുമായി ആലപ്പുഴ ജില്ലാ കളക്ടര് ടി വി അനുപമ. കവയത്രി നിഖിത ഖില്ലിന്റെ വരികള് ഉദ്ധരിച്ച് ഫേസ്ബുക്ക് പോസ്റ്റിലൂടെയാണ് അനുപമ പ്രതികരിച്ചിരിക്കുന്നത്.
അവര് നിങ്ങളെ തകര്ക്കാനും തോല്പ്പിക്കാനും ശ്രമിക്കും. അവര് നിങ്ങളെ ചുട്ടെരിക്കും. അപമാനിക്കും, പരിക്കേല്പ്പിക്കും, ഉപേക്ഷിക്കും. പക്ഷ അവര്ക്ക് നിങ്ങളെ നശിപ്പിക്കാനാവില്ല, ഫിനിക്സ് പക്ഷിയെ പോലെ ഉയര്ത്തെഴുന്നേല്ക്കുക തന്നെ ചെയ്യും എന്നാണ് ഫേസ്ബുക്ക് പോസ്റ്റ്.
കഴിഞ്ഞ ദിവസം തോമസ് ചാണ്ടിയുടെ ഉടമസ്ഥതയിലുള്ള ഭൂമി തണ്ണീര്ത്തടം മണ്ണിട്ട് നികത്തിയതാണെന്ന കളക്ടറുടെ റിപ്പോര്ട്ട് സര്ക്കാര് ഹൈക്കോടതിയില് സമര്പ്പിച്ചിരുന്നു. എന്നാല് കോടതി ഇതു റദ്ദാക്കിയ ശേഷം കളക്ടറെ വിമര്ശിച്ചിരുന്നു. തെറ്റുപറ്റിയ കളക്ടറെ രൂക്ഷമായി കോടതി വിമര്ശിച്ചു. കസേരയില് ഇരിക്കുന്നത് വിദ്യാര്ത്ഥിയാണോ എന്നായിരുന്നു ചോദ്യം. കളക്ടര് നിരവധി ഉത്തരവാദിത്വങ്ങള് ഉള്ള ആളാണെന്നും കോടതി ചൂണ്ടിക്കാട്ടി.
https://www.facebook.com/Malayalivartha
