വേലക്കാരിയെ ബലാത്സംഗം ചെയ്ത വീട്ടുടമസ്ഥൻ പോലീസ് പിടിയിൽ. എറണാകുളം കലൂരിലാണ് വീട്ടുടമ വീട്ടുജോലിക്കെത്തിയ അനാഥ പെൺകുട്ടിയെ പീഡിപ്പിച്ചത്. വട്ടക്കാട് റോഡിൽ പ്രകാശ് ഭവനിൽ അജി പ്രകാശി നെ എറണാകുളം നോർത്ത് പോലീസ് അറസ്റ്റ് ചെയ്തു. കണ്ണൂരിലെ ഒരു അനാഥാലയത്തില്‍ വളര്‍ന്ന പെണ്‍കുട്ടി ജോലി തേടിയാണ് എറണാകുളത്ത് എത്തിയത്.

കഴിഞ്ഞ ദിവസം ഇയാള്‍ പെണ്‍കുട്ടിയെ വീട്ടില്‍ നിന്നും ഇറക്കി വിടുകയായിരുന്നു. 3. 5 ലക്ഷം രൂപയോളം ശമ്പളം നല്‍കാനുള്ളതായി പെണ്‍കുട്ടി പറയുന്നു. വീട്ടില്‍ നിന്നും ഇറങ്ങേണ്ടി വന്നതോടെ പെണ്‍കുട്ടി കോണ്‍വെന്റില്‍ തിരികെയെത്തി. പിന്നീട് പൊലീസില്‍ പരാതിപ്പെടുകയായിരുന്നു. മുന്‍പ് ജോലിക്ക് നിന്ന പെണ്‍കുട്ടിയേയും ഇയാള്‍ പീഡനത്തിന് ഇരയാക്കിയതായാണ് വിവരം. ഇയാളുടെ ലാപ്ടോപ് പരിശോധിച്ചതിൽ നിന്നും കൂടുതൽ തെളിവുകൾ ലഭിച്ചതായും സൂചനയുണ്ട്. ഇയാളെ ചോദ്യം ചെയ്ത ശേഷം പീഡനത്തിനിരയായ മറ്റ് പെൺകുട്ടികളെ കണ്ടെത്താനുള്ള ശ്രമം നടത്തുമെന്ന് പോലീസ് അറിയിച്ചു