ലോകവനിതാദിനമായ ഇന്ന് ആണ്‍കുട്ടികളും പെണ്‍കുട്ടികളും തമ്മിലുള്ള ഫുട്‌ബോള്‍ മല്‍സരം നടത്തുന്നു. തിരുവനന്തപുരം യൂണിവേഴ്‌സിറ്റി സ്‌റ്റേഡിയത്തിലാണ് ഈ പോരാട്ടം. ആറുപെണ്ണും അഞ്ചാണും ഉള്ള ഫുട്‌ബോള്‍ ടീമുകള്‍ ഏറ്റുമുട്ടുന്ന മല്‍സരത്തിന് 'ജന്‍ഡര്‍ ന്യൂട്രല്‍' ഫുട്‌ബോള്‍ എന്നാണ് പേരിട്ടിരിക്കുന്നത്. (സദാചാര അസ്‌കിത ഉള്ളവര്‍ക്കു പ്രത്യേകസ്വാഗതം!). സ്ത്രീകള്‍ക്കു പ്രത്യേകവകുപ്പുണ്ടാക്കിയ എല്‍.ഡി.എഫ് സര്‍ക്കാര്‍ വിപുലമായ വനിതാവാരാഘോഷത്തിനു തുടക്കം കുറിച്ചു ലോകവനിതാദിനമായ ഇന്നു സംഘടിപ്പിക്കുന്ന പരിപാടികളില്‍ ഒന്നാണു ജെന്‍ഡര്‍ ന്യൂട്രല്‍ ഫുട്‌ബോള്‍.

ഇടതക്കം തിരുവനന്തപുരത്ത് സര്‍ക്കാര്‍/സ്വകാര്യ വനിതാദിനപരിപാടികള്‍ നടക്കുന്നുണ്ട്. ഉച്ചയ്ക്ക് 1.30 പ്രസ് ക്ലബ്ബ്: പത്മശ്രീ ലഭിച്ച ലക്ഷ്മിക്കുട്ടിയമ്മയെ ആദരിക്കും. വൈകിട്ട് 3.00ന് കഴക്കൂട്ടം ഗ്രീന്‍ ഫീല്‍ഡ് സ്‌റ്റേഡിയത്തില്‍ 6000 പെണ്‍കുട്ടികളുടെ കരാട്ടെ പ്രദര്‍ശനം നടക്കും. ജില്ലാ പഞ്ചായത്തിന്റെ സ്വയംപ്രതിരോധപദ്ധതിയായ 'രക്ഷ'യില്‍ പരിശീലനം നേടിയവര്‍ അണിനിരക്കും.

വൈകുന്നേരം 3.30 വി.ജെ.ടി. ഹാള്‍: ''സധൈര്യം മുന്നോട്ട്' മുഖ്യമന്ത്രി ഉദ്ഘാടനം ചെയ്യുന്നു. ഒപ്പം, അന്താരാഷ്ട്രവനിതാദിനം സംസ്ഥാനതല ഉദ്ഘാടനവും വനിതാരത്‌ന പുരസ്‌കാരസമര്‍പ്പണവും വൈകുന്നേരം 5.00ന് യൂണിവേഴ്‌സിറ്റി സ്‌റ്റേഡിയം: ജെന്‍ഡര്‍ ന്യൂട്രല്‍ ഫുട്‌ബോള്‍. രാത്രി 9 ന് ശംഖുമുഖത്ത്: ഗവേഷണവിദ്യാര്‍ഥിനീകൂട്ടായ്മ മന്ത്രി തോമസ് ഐസക്, ടി എന്‍ സീമ പങ്കെടുക്കും.

വൈകുന്നേരം 5.30 രക്തസാക്ഷി മണ്ഡപം: ജനാധിപത്യ മഹിളാ അസോസിയേഷന്‍ വനിതാദിന പരിപാടി. കേരള പോലീസിന്റെ പരിപാടികള്‍ എല്ലാ ജില്ലകളിലും കഴിയുന്നത്ര പോലീസ് സ്‌റ്റേഷനുകളില്‍ വനിതാ എസ് ഐ മാര്‍ എസ് എച്ച് ഒ മാരുടെ ചുമതല വഹിക്കും. തിരുവനന്തപുരത്ത് സ്റ്റുഡന്റ്‌സ് പോലീസ് പെണ്‍കുട്ടികളും വനിതാപോലീസ് ഉദ്യോഗസ്ഥരും ട്രാഫിക് നിയന്ത്രണത്തിന്റെ ചുമതലയും പരമാവധി സ്ഥലങ്ങളില്‍ ഏറ്റെടുക്കും. പോലീസ് ആസ്ഥാനത്തും ഗാര്‍ഡ് ഡ്യൂട്ടി വനിതാ പോലീസ് സേനാംഗങ്ങള്‍ക്ക്.
ഉച്ചയ്ക്ക് രണ്ടുമണിമുതല്‍ കഴക്കൂട്ടം കിന്‍ഫ്ര അപ്പാരല്‍ പാര്‍ക്കുമായി ചേര്‍ന്ന് ആയിരം വനിതകള്‍ പങ്കെടുക്കുന്ന സ്വയംപ്രതിരോധപരിശീലനപരിപാടി. മറ്റു ജില്ലകളിലും സെമിനാറുകള്‍, മാരത്തോണ്‍ , സ്വയം പ്രതിരോധ പരിശീലനം, തുടങ്ങിയ പരിപാടികള്‍ ഇതിന്റെ ഭാഗമായി സംഘടിപ്പിച്ചിട്ടുണ്ട്.