സര്ക്കാര് വീഴ്ചവരുത്തിയതിനാല് ലൈറ്റ്മെട്രോ പദ്ധതിയില് നിന്ന് പിന്മാറുകയാണെന്ന് ഇ.ശ്രീധരന്, മന്ത്രി ജി.സുധാകരന്റെ ആരോപണങ്ങള്ക്ക് മറുപടിയില്ലെന്നും മെട്രോമാന്, പദ്ധതി ഉപേക്ഷിച്ചിട്ടില്ലെന്ന് മുഖ്യമന്ത്രി, കൊച്ചിമെട്രോ നഷ്ടത്തിലാണെന്നും പിണറായി
ലൈറ്റ്മെട്രോ പദ്ധതിയില് നിന്ന് വിഷമത്തോടെ പിന്മാറുകയാണെന്നും ഡി.എം.ആര്.സിയുടെ ഓഫീസുകള് അടച്ചുപൂട്ടുകയാണെന്നും ഇ.ശ്രീധരന് കൊച്ചിയില് വാര്ത്താസമ്മേളനത്തില് അറിയിച്ചു. മുഖ്യമന്ത്രിയെ കാണാന് അനുമതി തേടിയെങ്കിലും നല്കിയില്ല. പദ്ധതി ഇനി ഏറ്റെടുക്കില്ലെന്നും താന് ഉള്ളത് കൊണ്ടാണ് ഡി.എം.ആര്.സി പദ്ധതി ഏറ്റെടുത്തത്. കരാര് കാലാവധി കഴിഞ്ഞത് കൊണ്ടാണ് പിന്മാറുന്നത്. മാസം 16 ലക്ഷം വീതം ഡി.എം.ആര്.സി ഓഫീസിന് വാടക നല്കിയിരുന്നു. സാമ്പത്തിക ഭദ്രത സംരക്ഷിക്കാനാണ് പദ്ധതിയില് നിന്ന് മാറുന്നത്. ഡി.എം.ആര്.സി വീഴ്ചവരുത്തിയില്ല, സര്ക്കാര് വരുത്തിയെന്നും പദ്ധതി ഉപേക്ഷിച്ചതിന് ഉത്തരവാദി സര്ക്കാരാണെന്നും ഇ.ശ്രീധരന് കുറ്റപ്പെടുത്തി.
തനിക്കെതിരെ പൊതുമരാമത്ത് മന്ത്രി വ്യക്തിപരമായ നടത്തിയ പ്രസ്താവനകള്ക്ക് മറുപടിയില്ല. സര്ക്കാരിനോട് പരിഭവമില്ല. ഇനി കേരളത്തിലെ പദ്ധതികള് ഏറ്റെടുക്കില്ല. മുഖ്യമന്ത്രിയെ ആദ്യം കണ്ട് സ്തംഭനാവസ്ഥയെ കുറിച്ച് പറഞ്ഞിരുന്നു. പിന്നീട് കാണാന് മുഖ്യമന്ത്രിയും പൊതുമരാമത്ത് മന്ത്രിയും അനുമതി നല്കിയില്ല. ഒരു പണിയും തുടങ്ങാനായില്ലെന്നും ഇ.ശ്രീധരന് അറിയിച്ചു. അതേസമയം കരാര് കാലാവധി കഴിഞ്ഞതിനാലാണ് ഡി.എം.ആര്.സി പിന്മാറിയതെന്ന് മുഖ്യന്ത്രി നിയമസഭയില് അറിയിച്ചു. ലൈറ്റ് മെട്രോ പദ്ധതി സര്ക്കാര് ഉപേക്ഷിച്ചിട്ടില്ലെന്നും സാമ്പത്തിക നില പരിശോധിച്ചേ തീരുമാനം എടുക്കാനാകൂ. കൊച്ചി മെട്രോ നഷ്ടത്തിലാണെന്നും മുഖ്യമന്ത്രി സഭയെ അറിയിച്ചു.
https://www.facebook.com/Malayalivartha
