മിസ്ഡ് കോളിലൂടെ യുവതികളെ വലയിലാക്കും,വിവാഹം ചെയ്യാമെന്ന് പറഞ്ഞ് പീഡിപ്പിക്കും, സ്വര്ണവും പണവും തട്ടിയെടുക്കും, കോളയില് മദ്യം കലര്ത്തി കുടിപ്പിച്ച ശേഷം പീഡിപ്പിക്കും, പരിചയത്തിലാകുന്ന സ്ത്രീകളുടെ പേരില് സിം കാര്ഡ് തരപ്പെടുത്തും, ഇവ ഉപയോഗിച്ച് മറ്റ് സ്ത്രീകളെ വീഴ്ത്തും, പോലീസ് ഈ തട്ടിപ്പുവീരനെ കുടുക്കിയത് ഇങ്ങനെ
വിവാഹവാഗ്ദാനം നല്കി യുവതികളെ പീഡിപ്പിച്ച ശേഷം രക്ഷപ്പെടുന്ന എറണാകുളം കുമ്പളങ്ങി സ്വദേശി കുറുപ്പശേരി വീട്ടില് പ്രവീണ് ജോര്ജിനെ പോലീസ് അറസ്റ്റ് ചെയ്തു.ആദ്യം മിസ്ഡ് കോളിലൂടെ യുവതികളെ കെണിയില്വീഴ്ത്തും. അത് കഴിഞ്ഞ് യുവതികളെ മാനഭംഗപ്പെടുത്തി പണവും ആഭരണവും തട്ടിയെടുക്കും.
വണ്ടൂര് സ്വദേശിനിയെ വിവാഹവാഗ്ദാനം നല്കി മാനഭംഗപ്പെടുത്തി 15 പവന് കവര്ന്നെന്ന കേസിലാണു പിടികൂടിയത്. ഈ യുവതിയുമായി പ്രണയം നടിച്ച് വിവാഹശേഷം താമസിക്കാന് ക്വാര്ട്ടേഴ്സ് നോക്കാനെന്നു പറഞ്ഞ് ചന്തക്കുന്നിലെ ക്വാര്ട്ടേഴ്സിലെത്തിച്ച് കോളയില് മദ്യം കലര്ത്തി കുടിപ്പിച്ച ശേഷമായിരുന്നു പീഡനം.
ഇതിനുശേഷം തടിതപ്പുകയായിരുന്നു. പരിചയത്തിലാകുന്ന സ്ത്രീകളുടെ പേരില് സിം കാര്ഡ് തരപ്പെടുത്തും. ഇവ ഉപയോഗിച്ചാണു മറ്റു സ്ത്രീകളെ വലയില്വീഴ്ത്തിയിരുന്നത്.ഒരു നമ്പറില്നിന്നു രണ്ടു സ്ത്രീകളെ മാത്രേമ വിളിക്കൂ. മറ്റു സ്ത്രീകള് വിളിക്കുമ്ബോള് ബിസി ആകാതിരിക്കാനാണ് ഈ തന്ത്രമെന്ന് പ്രവീണ് പോലീസിനോട് പറഞ്ഞു.
പരിചയപ്പെടുന്ന സ്ത്രീകള്ക്ക് ഫോട്ടോയോ വിലാസമോ നല്കാറില്ല. വാട്സ്ആപ്പ്, ഫെയ്സ്ബുക്ക് തുടങ്ങിയ സാമൂഹികമാധ്യമങ്ങളും ഉപയോഗിക്കാറില്ല. മലപ്പുറം, കോഴിക്കോട്, എറണാകുളം, തിരുവനന്തപുരം ജില്ലകളിലായി പന്ത്രണ്ടോളം സ്ത്രീകളെ ഇത്തരത്തില് കബളിപ്പിച്ചിട്ടുണ്ട്.
ഇതില് ചിലരെ ഭാര്യയായി വാടക ക്വാര്ട്ടേഴ്സുകളില് താമസിപ്പിക്കുന്നതായി പ്രതി വെളിപ്പെടുത്തി. പതിവായി ഒരു ഫോണ് നമ്പര് ഉപയോഗിക്കാത്തിനാല് ട്രെയിന്മാര്ഗം സഞ്ചരിക്കുന്നതായി മനസിലാക്കി രഹസ്യനിരീക്ഷണം നടത്തിയാണു പ്രവീണിനെ പിടികൂടിയത്.
https://www.facebook.com/Malayalivartha
