ജീവിതം അങ്ങനെയാണ്. എപ്പോഴാണ് മറിമറിയുന്നതെന്ന് ആര്‍ക്കുമറിയില്ല. ഒരു കാലത്ത് ക്ലാസിലെ ഏറ്റവും നല്ല സുന്ദരിക്കുട്ടിയായിരുന്നു മരിയ ലബഡേവ. ആണ്‍കുട്ടികളുടെയൊക്കെ സ്വപ്ന സുന്ദരി. അവളുടെ ജീവിതം പെട്ടന്നാണ് മാറി മറിഞ്ഞത്. അവിചാരിതാമായി ഉണ്ടായ കാര്‍ അപകടം വക്കിലാകാന്‍ കൊതിച്ച മരിയയുടെ ജീവിതത്തെ അടിമുടി മാറ്റി മറിച്ചു.

ഇന്ന് മരിയ കണ്ണിന് കാഴ്ചയില്ലാത്ത ബുദ്ധിക്ക് കുറവുള്ള ഒരു സാധാരണ സ്ത്രീയായി മാറിയിരിക്കുകയാണ്. മരിയയും ബോയ്ഫ്രണ്ടുമായുള്ള കാര്‍ യാത്രയാണ് മരിയയുടെ വിധി തിരുത്തി എഴുതിയത്. കാറില്‍ യാത്ര ചെയ്യവേ മരിയയും ൗമുകനുമായുി ഉണ്ടായ ചെിയ പിണക്കത്തിനൊടുവില്‍ ദേഷ്യപ്പെട്ട കാമുകന്‍ കാറില്‍ നിന്ന് എടുത്തു ചാടുകയും കാര്‍ മറ്റൊരു കാറുമായി കൂട്ടിയിടിപ്പിക്കുകയും ചെയ്തതാണ് മരിയയുടെ ദുര്‍വിധിക്ക് കാരണം.

23കാരിയായ മരിയ ഒരു അഡ്വക്കേറ്റ് ആകണമെന്ന മോഹത്തോടെ പഠനം നടത്തിയിരുന്ന കാലത്താണ് അപകടം മരിയയെ തേടി എത്തിയത്. ഇപ്പോള്‍ മരിയയുടെ ആഗ്രഹം ഒരു ഫ്‌ളൈറ്റ് അറ്റന്‍ഡന്റ് ആകണമെന്നാണ്. മ്യൂസിക് തെറാപ്പിയുടെ അന്ധന്മാരുടെ കൂട്ടായ്മയില്‍ മരിയ പാട്ടുപാടുന്നുമുണ്ട് ഈ യുവതി.

നോവോസ്ബ്രിക്കിലെ അപകടത്തിന് മുന്നേ യൂണിവേഴ്‌സിറ്റിയിലെ തന്റെ ക്ലാസിലെ ഏറ്റവും സുന്ദരിയായ പെണ്‍കുട്ടിയായിരുന്നു മരിയ. പഴയ സുഹൃത്തുക്കള്‍ക്ക് കണ്ടാല്‍ ഇപ്പോള്‍ മരിയയെ തിരിച്ചറിയാറ് പോലുമില്ല. ഇപ്പോള്‍ രണ്ട് വര്‍ഷത്തിന് മുന്നേ ഉള്ള ഒരു കാര്യങ്ങളും മരിയയയുടെ ഓര്‍മ്മകളില്‍ ഇല്ല. 2016ഉം 2015ഉം എല്ലാം മരിയയുടെ മനസ്സില്‍ നിന്നും പാടേ മാഞ്ഞു പോയിരിക്കുന്നു.

കാര്‍ അപകടം തലച്ചോറിന് ഉണ്ടാക്കിയ ക്ഷതമാണ് മരിയയുടെ മറവിക്ക് കാരണം. കാര്‍ റൈഡിന് പോകാന്‍ മരിയ അരമണിക്കൂര്‍ താമസിച്ചതിന്റെ പേരില്‍ കാമുകനുമായി ഉണ്ടായ കലഹമാണ് മരിയയുടെ ജീവിതം തന്നെ ആ യാത്ര മാറ്റി മറിച്ചത്.