സൗജന്യ പ്രാഥമിക വിദ്യാഭ്യാസം നല്കാത്ത അണ് എയ്ഡഡ് സ്കൂളുകള്ക്കെതിരെ നടപടി വരുന്നു
ദുര്ബലവിഭാഗങ്ങളില്പ്പെട്ടതോ സാമ്പത്തികശേഷിയില്ലാത്തവരോ ആയ വിദ്യാര്ഥികള്ക്കു സൗജന്യമായി പ്രാഥമിക വിദ്യാഭ്യാസം നല്കാത്ത അണ് എയ്ഡഡ് സ്കൂളുകള്ക്കെതിരെ നടപടി വരുന്നു. അണ് എയ്ഡഡ് സ്കൂളുകളില് ഒന്നാം ക്ലാസില് പ്രവേശനം നേടുന്ന കുട്ടികളില് 25 ശതമാനം വിദ്യാര്ഥികള് ദുര്ബലവിഭാഗങ്ങളില്നിന്നുള്ളവരോ പാവപ്പെട്ടവരോ ആയിരക്കണമെന്നും ഇവര്ക്കു പ്രാഥമിക വിദ്യാഭ്യാസം സൗജന്യമായി നല്കണമെന്നും സംസ്ഥാനത്തു നിയമമുണ്ട്.
അടുത്ത അധ്യായനവര്ഷം മുതല് നിയമം കര്ശനമായി നടപ്പാക്കാനാണ് സംസ്ഥാന സര്ക്കാരിന്റെ തീരുമാനം. നിയമത്തില് പറയുന്ന മാനദണ്ഡങ്ങളുള്ള വിദ്യാര്ഥികളുടെ അഭാവത്തില് അര്ഹരായ മറ്റുള്ളവര്ക്ക് ആനുകൂല്യം ലഭ്യമാക്കും.
നിയമം നടപ്പാക്കുന്നതില് ചില സ്കൂളുകള് ഗുരുതരമായ വീഴ്ച വരുത്തിയതായും അടുത്ത അധ്യയന വര്ഷം പ്രവേശന സമയത്തു തന്നെ ഇക്കാര്യം ഉറപ്പുവരുത്താന് ജാഗ്രത പുലര്ത്തുമെന്നും മന്ത്രി പ്രഫ.സി. രവീന്ദ്രനാഥ് കഴിഞ്ഞ ദിവസം നിയമസഭയില് വ്യക്തമാക്കിയിരുന്നു.
https://www.facebook.com/Malayalivartha
