എസി പ്രവര്ത്തിപ്പിച്ച് മയങ്ങുന്നതിനിടെ കാര് കത്തി; ആയുസിന്റെ ബലം കൊണ്ട് ഡ്രൈവര് രക്ഷപെട്ടു....
ഗവ യു പി സ്കൂളിന് സമീപത്തെ സ്വകാര്യ പാര്ക്കിങ്ങ് മേഖലയില് കാര് നിര്ത്തി എസി പ്രവര്ത്തിപ്പിച്ച് യാത്രക്കാരന് പിന് സീറ്റില് മയങ്ങുന്നതിനിടെ കാര് കത്തി നശിച്ചു. തീപിടിച്ച കാറില് നിന്നു പുളിയാവ് സ്വദേശി കുനിയില് ഇസ്മായിലാണ് ആയുസിന്റെ ദൈര്ഘ്യം കൊണ്ട് രക്ഷപ്പെട്ടത്. ഇന്നലെ ഉച്ചകഴിഞ്ഞു മൂന്നരയക്കാണ് സംഭവം.കാര് കത്തുന്നതും അകത്ത് ആള് മയങ്ങുന്നതും കണ്ട് സമീപത്തുണ്ടായിരുന്നവര് ഓടിക്കൂടി ബഹളം വെച്ചതോടെയാണ് കാറിന്റെ മുന്ഭാഗം കത്തിക്കൊണ്ടിരുന്നത് ഇസ്മായില് അറിഞ്ഞതും പുറത്തേക്കിറങ്ങി രക്ഷപ്പെട്ടതും.
പുളിയാവിലെ തയ്യുള്ളതില് സുബൈദയുടെതാണ് കത്തി നശിച്ച കെഎല് ടി ടി 4777 കാര്. കാറിലെത്തിയ ഇസ്മായില് ഒഴികെയുള്ളവര് സമീപത്തെ കടയിലേക്ക് പോയതായിരുന്നു ചേലക്കാട് നിന്നെത്തിയ ഫയര്ഫോഴ്സ് കഠിനാധ്വാനം ചെയ്താണ് തീ അണച്ചത്. സമീപത്ത് ഒട്ടേറെ വാഹനങ്ങളുണ്ടായിരുന്നെങ്കിലും ഫയര്ഫോഴ്സ് തീ അണച്ചതിനാല് അവ രക്ഷപ്പെട്ടു.
https://www.facebook.com/Malayalivartha
