കേന്ദ്ര സർക്കാരിന്റെ പുതിയ തൊഴിൽ നയങ്ങൾക്കെതിരെ രാജ്യവ്യാപകമായി ഡി.വൈ.എഫ്.ഐ പ്രതിഷേധ മാർച്ച് സംഘടിപ്പിക്കുന്നു. കേന്ദ്രസർക്കാർ ഓഫീസികൾക്കു മുന്നിലാണ് പ്രധിഷേധം സംഘടിപ്പിക്കുന്നത്. പ്രതിഷേധത്തിന്റെ തിരുവനന്തപുരം യൂണിറ്റ് മാർച്ച് എം.സ്വരാജ് എം.എൽ.എ ഉത്‌ഘാടനം ചെയ്തു.

രാജ്യത്ത് മോദി സർക്കാരിന്റെ കീഴിൽ അടിമ വേല വരികയാണ് എന്ന് അദ്ദേഹം അഭിപ്രായപ്പെട്ടു. നൂറോളം യുവാക്കളാണ് മാർച്ചിൽ പങ്കെടുത്തത്. സമരം അല്ലാതെ മറ്റൊരു മാർഗം ഇല്ല എന്ന് ഇന്ത്യയിലെ യുവാക്കൾ മനസിലാക്കിയതിന്റെ പശ്ചാത്തലത്തിലാണ് ഇത്തരം പ്രതിഷേധം സംഘടിപ്പിക്കുന്നത് എന്നും അദ്ദേഹം പറഞ്ഞു.വ്യവസായ തർക്ക നിയമം നിലവിലുള്ള രാജ്യമായ ഇന്ത്യയിൽ തൊഴിലാളികൾക്ക് ഉറപ്പു വരുത്തിയിട്ടുള്ള ആനുകൂല്യങ്ങളും പരിരക്ഷയും ഇല്ലാതാക്കുന്നതാണ് കരാർ തൊഴിൽ എന്നും മാർച്ച് ഉത്‌ഘാടനം ചെയ്തുകൊണ്ട് അദ്ദേഹം പറഞ്ഞു.