ഫയര് ഫോഴ്സില് വനിതകളെ നിയമിക്കാനുള്ള നിര്ദ്ദേശത്തില് സര്ക്കാര് തീരുമാനം ഉടന്
ഫയര് ഫോഴ്സില് വനിതകളെ നിയമിക്കാനുള്ള നിര്ദ്ദേശത്തില് സര്ക്കാര് തീരുമാനം ഉടനെ ഉണ്ടായേക്കും. നൂറ് ഫയര് വുമണ് തസ്തികകള് സൃഷ്ടിക്കാന് കഴിഞ്ഞ വര്ഷം ഫയര് ആന്ഡ് റസ്ക്യൂ വകുപ്പ് നല്കിയ ശുപാര്ശ സര്ക്കാരിന്റെ പരിഗണനയിലാണ്. ആഭ്യന്തര വകുപ്പിന്റെ അനുമതി ലഭിച്ചിട്ടുണ്ട്. വൈകാതെ ധനവകുപ്പും മന്ത്രിസഭയും അനുമതി നല്കും. അതോടെ പി.എസ്.സി വഴി നിയമനം നടത്തും.
തിരുവനന്തപുരം, കൊച്ചി, കോഴിക്കോട് നഗരങ്ങളില് 15 വീതവും മറ്റു ജില്ലാ കേന്ദ്രങ്ങളില് അഞ്ചു വീതവും വനിതകളെ നിയമിക്കും ഇപ്പോള് 5000 പുരുഷന്മാരാണ് അഗ്നിരക്ഷാസേനയിലുള്ളത്. ഫയര്മാന് നിയമനത്തിനുള്ള കുറഞ്ഞ യോഗ്യത ഹയര് സെക്കന്ഡറിയാണ്. ഫയര് വുമണിനും ഇതേ യോഗ്യതയായിരിക്കും.
ഫയര്ഫോഴ്സില് വനിതകളെ നിയമിക്കുന്ന നാലാമത്തെ സംസ്ഥാനമാണ് കേരളം. 2003ല് തമിഴ്നാടാണ് ആദ്യമായി വനിതകളെ നിയമിച്ചത്. പ്രിയ രവിചന്ദ്രന്, മീനാക്ഷി വിജയകുമാര് എന്നിവരായിരുന്നു ആദ്യ ഓഫീസര്മാര്. 2013ല് വനിതകളുടെ പ്രത്യേക വിഭാഗവും തമിഴ്നാട്ടില് നിലവില്വന്നു. രാജസ്ഥാനിലും മഹാരാഷ്ട്രയിലും (മുംബയ് ഫയര് ബ്രിഗേഡ്) ആണ് രാജ്യത്ത് വേറെ വനിതാ ഫയര്ഫോഴ്സുള്ളത്.
ഫയര് വുമണ് നിയമനത്തിന് സര്ക്കാരിന്റെ അനുമതി കാത്തിരിക്കയാണ്. പൊലീസ് ഉള്പ്പടെ മറ്റ് സേനകളിലെല്ലാം സ്ത്രീകള് ഉള്ളതിനാല് ഫയര് ഫോഴ്സിലും സ്ത്രീകളുടെ സാന്നിദ്ധ്യം ഉണ്ടാകണം.
https://www.facebook.com/Malayalivartha
