ചെങ്ങന്നൂര് ഉപതെരഞ്ഞെടുപ്പ്: സ്ഥാനാര്ത്ഥികള് ഇന്ന് നാമനിര്ദ്ദേശ പത്രിക സമര്പ്പിക്കും
യുഡിഎഫ് സ്ഥാനാര്ത്ഥി ഡി വിജയകുമാറും, എന്ഡിഎ സ്ഥാനാര്ത്ഥി പിഎസ് ശ്രീധരന്പിള്ളയും ഇന്ന് നാമനിര്ദ്ദേശ പത്രിക സമര്പ്പിക്കും. വിജയകുമാറിന്റെ മണ്ഡല പര്യടനത്തിനും ഇന്ന് തുടക്കമാകും.
രാവിലെ 11 മണിക്ക് ചെങ്ങന്നൂര് ബഥേല് കവലയില് നിന്നും പ്രവര്ത്തകര്ക്കും നേതാക്കള്ക്കുമൊപ്പം പ്രകടനമായി ആര്ഡിഒ ഓഫീസില് എത്തിയാണ് ഡി വിജയകുമാര് പത്രിക സമര്പ്പിക്കുക. ഉച്ചക്ക് രണ്ട് മണിക്ക് തെരഞ്ഞെടുപ്പ് കമ്മിറ്റി ഓഫീസില് നിന്നും പ്രകടനമായി എത്തി പത്രിക സമര്പ്പിക്കാനാണ് എന്ഡിഎ സ്ഥാനാര്ത്ഥി പിഎസ് ശ്രീധരന് പിള്ളയുടെ തീരുമാനം. ആംആദ്മി പാര്ട്ടി സ്ഥാനാര്ത്ഥി രാജീവ് പള്ളത്തും ഇന്ന് നാമനിര്ദ്ദേശ പത്രിക സമര്പ്പിക്കും.
ഒന്പതാം തീയതി രാവിലെ മുന് എംഎല്എ കെകെ രാമചന്ദ്രന് നായരുടെ സ്മൃതി മണ്ഡപത്തില് പുഷ്പാര്ച്ചന നടത്തിയ ശേഷമാവും എല്ഡിഎഫ് സ്ഥാനാര്ത്ഥി സജി ചെറിയാന് പത്രിക സമര്പ്പിക്കുക. വിജയകുമാറിന്റെ മണ്ഡല പര്യടനത്തിനും ഇന്ന് തുടക്കമാകും. വിഎം സുധീരനാണ് പര്യടനം ഉദ്ഘാടനം ചെയ്യുന്നത്. കുടുംബസംഗമങ്ങളില് പിജെ കുര്യന്, ഉമ്മന്ചാണ്ടി, രമേശ് ചെന്നിത്തല തുടങ്ങിയവരാണ് പങ്കെടുക്കുന്നത്.
കഴിഞ്ഞ ദിവസം ആരംഭിച്ച വാഹന പര്യടനം സജി ചെറിയാന് മൂന്നാം ദിവസവും തുടരും. എന്ഡിഎ സ്ഥാനാര്ത്ഥി ശ്രീധരന്പിള്ളയുടെ തെരഞ്ഞെടുപ്പ് കണ്വന്ഷനും ഇന്നലെ തുടക്കമായിരുന്നു. കേന്ദ്രമന്ത്രി പ്രകാശ് ജാവ്ദേക്കര് പങ്കെടുത്ത പരിപാടിയില് ബിഡിജെഎസ് ഇതര കക്ഷികളെല്ലം പങ്കെടുത്തിരുന്നു. ബിഡിജെഎസ് കണ്വന്ഷനില് പങ്കെടുത്തില്ലെങ്കിലും തങ്ങളുമായി സഹകരിക്കുമെന്ന ഉറച്ച വിശ്വാസത്തിലാണ് എന്ഡിഎ നേതാക്കള്. ചെങ്ങന്നൂരില് ക്യാമ്ബ് ചെയ്ത് പ്രചാരണ പരിപാടികള്ക്ക് നേതൃത്വം നല്കുകയാണ് മൂന്ന് മുന്നണികളിലേയും മുതിര്ന്ന നേതാക്കള്.
https://www.facebook.com/Malayalivartha
