ഇടുക്കി അടിമാലി ഗ്രാമപഞ്ചായത്തിെന്റ ഗ്രീൻ അടിമാലി ക്ലീൻ ദേവിയാർ പദ്ധതിക്ക് തിരിച്ചടിയായി വീണ്ടും വ്യാപാരികൾ. ശുചീകരിച്ച സ്ഥലങ്ങളിൽ വീണ്ടും ചില വ്യാപാരികൾ തന്നെ മാലിന്യമിട്ട് പദ്ധതിയുടെ ശോഭ കെടുത്തുന്നുവെന്നാണ് പുതിയ ആക്ഷേപം പൊതു സ്ഥലത്ത് മാലിന്യം നിക്ഷേപിക്കുന്നതിനാൽ ഇതിനെതിരെ നിരവധി ബോധവൽക്കരണ പരിപാടികളും ഇവ അവഗണിച്ചവർക്കെതിരെ ചില ശിക്ഷണ നടപടികൾക്കുമൊടുവിലാണ് അടിമാലി ഗ്രാമപഞ്ചായത്തിന്റെ മാലിന്യ പ്രശ്‌നത്തിന് പരിഹാരമായത്.

മാലിന്യങ്ങൾ സംസ്കരണ യൂണിറ്റിലെത്തിച്ച് നിർമ്മാർജ്ജനം ചെയ്യുവാൻ ക്രമീകരണങ്ങൾ ആരംഭിച്ചു .ഗ്രീൻ അടിമാലി ക്ലീൻ ദേവിയാർ പദ്ധതിയിലൂടെ അടിമാലിയുടെ മാലിന്യപ്രശ്നത്തിന് ഏറെക്കുറെ പരിഹാരം കാണുവാനും കഴിഞ്ഞിരുന്നു' 'മാലിന്യവാഹിനിയായി മാറിയ ദേവിയാർ പുഴ ശുചീകരിച്ച് പുതുജീവൻ നൽകുവാനും അടിമാലി നേര്യമംഗലം പാതയോരത്ത് മാലിന്യം നിക്ഷേപിച്ചു വന്നിരുന്ന നടപടിക്ക് തടയിടുവാനും 'ഈ പദ്ധതി കൊണ്ട് സാധിച്ചു'' .

എന്നാൽ കൂടുതൽ തുക വിനിയോഗിച്ച് പദ്ധതിയുടെ രണ്ടാംഘട്ടം ആരംഭിക്കാനിരിക്കെ ടൗണിലെ ചില വ്യാപാരികൾ തന്നെ മാലിന്യം നിക്ഷേപിച്ച് വീണ്ടും അടിമാലിയെ മലിനമാക്കുവാനുള്ള ശ്രമം പഞ്ചായത്ത് അധികതരെ ആശങ്കയിലാക്കിയിട്ടുണ്ട്. മുൻവർഷങ്ങളിൽ ലക്ഷങ്ങൾ ചെലവിട്ട് ലക്ഷ്യം കണ്ട പദ്ധതി ടൗണിലെ ചില വ്യക്തികളുടെ നിരുത്തരവാദപ്രവർത്തികൾമൂലം നഷ്ടമാവാതിരിക്കാൻ കൂടുതൽ കർമ്മപദ്ധതി കൾ പഞ്ചായത്ത് ആവിഷ്ക്കരിക്കും. ജനങ്ങൾക്ക് കൂടുതൽ ബോധവൽക്കരണ പരിപാടികൾ സംഘടിപ്പിക്കും പരിസര ശുചിത്വം വ്യക്തികളുടെ സമൂഹത്തോടുള്ള കൂട്ടുത്തരവാദിത്വമെന്ന തിരിച്ചറിവ് ജനങ്ങളിലെത്തിച്ചു കൊണ്ട് ഗ്രീൻ അടിമാലി ക്ലീൻ ദേവിയാർ പദ്ധതി കൂടതൽ ശക്തമാക്കാനാണ് അധികൃതരുടെ തീരുമാനം.