വീട്ടുവളപ്പില് രഹസ്യമായി ആറടിയിലേറെ ഉയരമുള്ള കഞ്ചാവുചെടി നട്ടുവളർത്തിയ ആൾ അറസ്റ്റിൽ
13 MAY 2018 03:25 PM IST
മലയാളി വാര്ത്ത
അടിമാലി, ഇരുമ്പുപാലത്തെ വീട്ടുവളപ്പില്നിന്ന് ആറടിയിലേറെ ഉയരമുള്ള അഞ്ചു കഞ്ചാവുചെടി കണ്ടെത്തി. ഗൃഹനാഥനായ ഇരുമ്പുപാലം ചില്ലിത്തോട് കോളനിയില് കാട്ടാഞ്ചേരി കുഞ്ഞുമോനെ(അയ്യപ്പന്കുട്ടി-56) അടിമാലി നര്കോട്ടിക് എന്ഫോഴ്സ്മെന്റ് സ്ക്വാഡ് അറസ്റ്റുചെയ്തു.
വിളവെത്തിയാല് വന്വില ലഭിക്കുന്ന നീലച്ചടയന് വിഭാഗത്തില്പ്പെട്ട കഞ്ചാവുചെടിയാണ് രഹസ്യമായി ഇയാള് പുരയിടത്തില് വളര്ത്തിയത്. കൃത്യമായി വെള്ളവും വളവും നല്കുന്നതിനാല് ചെടികള്ക്കു നല്ല കരുത്തുമുണ്ടായിരുന്നു. സ്ക്വാഡ് ഇന്സ്പെക്ടര് റോയി ജെയിംസിന്റെ നേതൃത്വത്തിലാണ് പ്രതിയെ അറസ്റ്റുചെയ്തത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
