പ്രവാസികൾക്ക് വോട്ടവകാശം നൽകുന്ന ബിൽ ലോക്​സഭ പാസാക്കിയതായി റിപ്പോർട്ടുകൾ. പ്രവാസികള്‍ക്ക് പകരക്കാരെ ഉപയോഗിച്ച്‌ വോട്ട് ചെയ്യാമെന്ന മുഖ്യവ്യവസ്ഥ ഉൾപ്പടെ അടങ്ങിയതാണ് ബില്‍. മുൻപ് ഇതുസംബന്ധിച്ച ബില്ലിന്​ കേന്ദ്രസർക്കാർ അന്തിമ രൂപം നൽകിയിരുന്നെങ്കിലും ലോക്​സഭയിൽ പാസായിരുന്നില്ല.

അതേ സമയം, പ്രവാസികൾക്ക്​ ഇ-വോട്ടിങ് സംവിധാനം അനുവദിക്കില്ലെന്നാണ്​ സൂചന. ഇ​-വോട്ടിങ്​ പൂർണമായും സുരക്ഷിതമല്ലെന്ന്​ കേന്ദ്ര നിയമമന്ത്രി രവിശങ്കർ പ്രസാദ്​ പറഞ്ഞു. ഇത്​ സുരക്ഷിതമാക്കാൻ കൂടുതൽ മികച്ച സാങ്കേതികവിദ്യ ആവശ്യമാണെന്നും രവിശങ്കർ പ്രസാദ്​ വ്യക്​തമാക്കി.