രാജ്യത്തിന്റെ 72ാമത് സ്വാതന്ത്ര്യദിനം ആഘോഷിക്കുന്നതിനു മുന്നോടിയായി അമൃത്‌സറില്‍ സുരക്ഷാക്രമീകരണങ്ങള്‍ ശക്തമാക്കി. പരിശോധന സ്ഥലങ്ങളുടെ എണ്ണം വര്‍ധിപ്പിച്ചിട്ടുണ്ട്. അമൃത്‌സറില്‍ ആസൂത്രിത പ്രവര്‍ത്തനങ്ങളൊന്നും ഇല്ലെന്നാണ് ലഭിക്കുന്ന വിവരം.
ഒരു തരത്തിലുള്ള നിയമവിരുദ്ധ പ്രവര്‍ത്തനങ്ങളും അനുവദിക്കില്ലെന്നും അമൃത്‌സര്‍ പൊലീസ് കമീഷണര്‍ എസ്.എസ്. ശ്രീവാസ്തവ പറഞ്ഞു. പഞ്ചാബില്‍ ഹിതപരിശോധന വേണമെന്ന പ്രഖ്യാപനവുമായി യു.എസ് ആസ്ഥാനമായ സിഖ് വിഘടനവാദി ഗ്രൂപ്പ് ലണ്ടനില്‍ സംഘടിപ്പിക്കുന്ന 'ഹിതപരിശോധന 2020'ന്റെ ഭാഗമായുള്ള പരിശോധനയല്ല ഇപ്പോള്‍ നടക്കുന്നതെന്ന് പൊലീസ് പറഞ്ഞു. സ്വാതന്ത്യദിനവുമായി ബന്ധപ്പെട്ട് പൊതുവായുണ്ടാവുന്ന മുന്നറിയിപ്പ് മാത്രമാണുള്ളത്

ഹിതപരിശോധനയുടെ സ്വാധീനം അമൃത്‌സറില്‍ ഉണ്ടെന്ന് കരുതുന്നില്ലെന്നും കമീഷണര്‍ പറഞ്ഞു. ലണ്ടനിലെ തഫല്‍ഗര്‍ ചത്വരത്തിലാണ് ജനഹിത പരിശോധന 2020 നടക്കുന്നത്‌