അഹമ്മദാബാദിൽ കാറ് കു‍ഴിയിലേക്ക് മറിഞ്ഞ് ഗുജറാത്ത് ജംബുഗോഡ സ്വദേശികളായ ഒരു കുടുംബത്തിലെ 7 കുട്ടികള്‍ മരിച്ചു. മുഹമ്മദ് ബിലാൽ (17), മുഹമ്മദ് റൗഫ് (14), മുഹമ്മദ് സാജിദ് (13), ഗുൽ അഫ്റോസ് (13), അസീന ബാനു (11), മുഹമ്മദ് താഹിർ (11), മുഹമ്മദ് യൂസഫ് (ഏഴ്) എന്നിവരാണ് മരിച്ചത്. ഇന്നലെ വൈകിട്ടോടെ ഉണ്ടായ അപടത്തിൽ മൂന്നു പേർക്ക് സാരമായി പരിക്കേറ്റിട്ടുമുണ്ട്.

ബന്ധുവിന്റെ വീട് സന്ദർശിച്ചു തിരികെ പോകുന്ന വഴിലായിരുന്നു അപകടം. വളവു തിരിയുന്നതിനിടെ കാറിന്റെ നിയന്ത്രണം നഷ്ടപ്പെടുന്നതിനെത്തുടർന്ന് കാർ കുഴിയിലേക്ക് മറിയുകയായിരുന്നു. അപകടം നടന്നയുടനെ നാട്ടുകാര്‍ ചേര്‍ന്ന് കുട്ടികളെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ ക‍ഴിഞ്ഞില്ല.