പാക്കിസ്ഥാനിലെ കൽക്കരി ഖനിയില്‍ മീഥേന്‍ ഗ്യാസ് പൊട്ടിത്തെറിച്ചു; നാലുപേർക്ക് ദാരുണാന്ത്യം
പാക്കിസ്ഥാനിൽ കല്‍ക്കരി ഖനിയില്‍ മീഥേന്‍ ഗ്യാസ് പൊട്ടിത്തെറിച്ച്‌ നാലുപേർ മരിച്ചു. അപകടത്തെത്തുടർന്ന് 13 പേർ ഗുഹയിൽ കുടുങ്ങികിടക്കുകയാണ്. ക്വറ്റയിലെ 50 കിലോമീറ്റര്‍ അകലെയുള്ള സന്‍ജിദി ഗ്രാമത്തിലെ കല്‍ക്കരി ഖനിയില്‍ ഞായറാഴ്ച്ചയായിരുന്നു അപകടമുണ്ടായത്.
നാല് പേരുടെ മൃതദേഹങ്ങള്‍ രക്ഷാപ്രവര്‍ത്തകര്‍ കണ്ടെടുത്തിട്ടുണ്ട്. അതേസമയം വാതകചോര്‍ച്ച രക്ഷാപ്രവര്‍ത്തനത്തെ ബാധിച്ചു.
സമാനമായി പാക്കിസ്താനിലെ മര്‍വ, സൂരഞ്ജ് കല്‍ക്കരി ഖനികളിലുണ്ടായ വാതക സ്‌ഫോടനത്തിലും 23 പേര്‍ മരിച്ചിരുന്നു. മീഥെയ്ന്‍ വാതകമാണു സ്‌ഫോടനത്തിനു കാരണമായത്. മര്‍വയിലെ സ്‌ഫോടനത്തില്‍ 16 പേരാണു കൊല്ലപ്പെട്ടത്. സൂരഞ്ജ് ഖനി തകര്‍ന്ന് ഏഴ് പേരാണു കൊല്ലപ്പെട്ടത്. പാക്കിസ്ഥാനിലെ ഖനികളില്‍ അപകടങ്ങള്‍ ഉണ്ടാകുന്നത് നിത്യ സംഭവമാണ്. പലപ്പോഴും ഖനികള്‍ സുരക്ഷാ മാനദണ്ഡങ്ങള്‍ പാലിക്കാറില്ലെന്ന് അധികൃതര്‍ വ്യക്തമാക്കി.
https://www.facebook.com/Malayalivartha
