രാജ്യത്തെ ഏറ്റവും വൃത്തിയുള്ള റെയില്‍വെ സ്‌റ്റേഷനുകളായി രാജസ്ഥാനിലെ ജോധ്പൂരും മാര്‍വാറും; റെയില്‍വെ മന്ത്രി പീയുഷ് ഗോയലാണ് ഇതുസംബന്ധിച്ച റിപ്പോര്‍ച്ച് പുറത്തുവിട്ടത്
ഏറ്റവും വൃത്തിയുള്ള ഇന്ത്യയിലെ റെയില്‍വെ സ്‌റ്റേഷനുകളായില്‍ രാജസ്ഥാനിലെ ജോധ്പൂരും മാര്‍വാറും ഒന്നാമതായി തിരഞ്ഞെടുക്കപ്പെട്ടു. ജോധ്പുര്‍ എ വണ്‍ വിഭാഗത്തിലും മാര്‍വാര്‍ എ വിഭാഗത്തിലുമാണ് ഏറ്റവും വൃത്തിയുള്ള സ്‌റ്റേഷനുകളായി തിരഞ്ഞെടുക്കപ്പെട്ടതെന്ന് ഇതുസംബന്ധിച്ച റിപ്പോര്‍ട്ട് പുറത്തിറക്കിക്കൊണ്ട് റെയില്‍വെ മന്ത്രി പീയുഷ് ഗോയല്‍ അറിയിച്ചു.
വരുമാനത്തിന്റെയും യാത്രക്കാരുടെ എണ്ണത്തിന്റെയും അടിസ്ഥാനത്തിലാണ് പ്രധാന സ്‌റ്റേഷനുകളെ എ, എ വണ്‍ വിഭാഗങ്ങളായി തരംതിരിച്ചിട്ടുള്ളത്. ശുചിത്വത്തിന്റെ കാര്യത്തില്‍ റെയില്‍വെ സ്‌റ്റേഷനുകള്‍ തമ്മിലുള്ള മത്സരം പ്രോത്സാഹിപ്പിക്കാനാണ് ഇത്തരത്തിലുള്ള തെരഞ്ഞെടുപ്പ് നടത്തുന്നതെന്ന് റെയില്‍വെമന്ത്രി വാര്‍ത്താ സമ്മേളനത്തില്‍ വ്യക്തമാക്കി. എ വണ്‍ വിഭാഗത്തില്‍ രാജസ്ഥാനിലെതന്നെ ജയ്പൂരിനാണ് രണ്ടാംസ്ഥാനം. ആന്ധ്രാപ്രദേശിലെ തിരുപ്പതി സ്‌റ്റേഷന്‍ മൂന്നാം സ്ഥാനം നേടി. എ വണ്‍ വിഭാഗത്തില്‍ കഴിഞ്ഞവര്‍ഷം ഒന്നാം സ്ഥാനത്തെത്തിയ വിശാഖപട്ടണം സ്‌റ്റേഷന്‍ ഇത്തവണ പത്താം സ്ഥാനത്തേക്ക് പിന്‍തള്ളപ്പെട്ടു. എ വിഭാഗത്തില്‍ രാജസ്ഥാനിലെ ഭുലേറയ്ക്കും തെലങ്കാനയിലെ വാറങ്കലിനുമാണ് രണ്ടും മൂന്നും സ്ഥാനങ്ങള്‍.
https://www.facebook.com/Malayalivartha
