തന്റെ വിവാഹം നേരത്തെ തന്നെ കഴിഞ്ഞതാണെന്ന് കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധി. ഹൈദരാബാദില്‍ മാദ്ധ്യപ്രവര്‍ത്തകുമായി സംവദിക്കുമ്ബോഴായിരുന്നു ഏവരെയും ഞെട്ടിച്ചുകൊണ്ടുള്ള രാഹുലിന്റെ വെളിപ്പെടുത്തല്‍. എന്നാല്‍ ആരാണ് രാഹുലിന്റെ പ്രിയപത്നി എന്ന ചോദ്യമുയര്‍ന്നപ്പോള്‍ ഉടന്‍ ഉത്തരവും വന്നു, കോണ്‍ഗ്രസ്. മറ്റാരെയും വിവാഹം കഴിക്കാന്‍ തനിക്ക് ഉദ്ദേശ്യമില്ലെന്നും തന്റെ വിവാഹം കോണ്‍ഗ്രസുമായി നേരത്തെ തന്നെ കഴിഞ്ഞതാണെന്നും രാഹുല്‍ സരസമായി പ്രതികരിക്കുകയായിരുന്നു.

2019ലെ തിരഞ്ഞെടുപ്പില്‍ മോദി സര്‍ക്കാരിനെ കൂപ്പു കുത്തിക്കുക എന്നതാണ് തന്റെ ലക്ഷ്യമെന്നും രാഹുല്‍ തുറന്നടിച്ചു.ബി.ജെ.പിയെ താഴെയിറക്കാനായി കാര്യമായ ശ്രമമാണ് കോണ്‍ഗ്രസ് നടത്തി വരുന്നത്. അതിന് വേണ്ടി സമാന ചിന്താഗതിയുള്ള മറ്റ് പാര്‍ട്ടികളുമായി കോണ്‍ഗ്രസ് ചര്‍ച്ച നടത്തി വരികയാണെന്നും രാഹുല്‍ വ്യക്തമാക്കി. 2019ല്‍ കോണ്‍ഗ്രസ് നേതൃത്വത്തിലുള്ള സഖ്യസര്‍ക്കാര്‍ അധികാരത്തിലെത്തുമെന്ന് രാഹുല്‍ഗാന്ധി പ്രതീക്ഷ പങ്കുവെച്ചു.

കോണ്‍ഗ്രസുമായി സമാന ചിന്താഗതികളുള്ള പാര്‍ട്ടികളുമായി ചര്‍ച്ചകള്‍ നടത്തി വരികയാണെന്നും അദ്ദേഹം പറഞ്ഞു. പ്രധാനമന്ത്രിയാകാനുള്ള താല്‍പര്യത്തെക്കുറിച്ച്‌ ചോദിച്ചപ്പോള്‍ ആദ്യം ബിജെപി സര്‍ക്കാരിനെ താഴെയിറക്കെട്ടെയെന്നായിരുന്നു രാഹുല്‍ മറുപടി നല്‍കിയത്. 2019ല്‍ കോണ്‍ഗ്രസ് നേതൃത്വത്തിലുള്ള സഖ്യസര്‍ക്കാര്‍ അധികാരത്തിലെത്തുമെന്ന് രാഹുല്‍ഗാന്ധി പ്രതീക്ഷ പ്രകടിപ്പിച്ചു.

ബിജെപിക്ക് മാത്രമായി 230 സീറ്റുകള്‍ നേടിയാല്‍ മാത്രമേ നരേന്ദ്ര മോദിക്ക് വീണ്ടും പ്രധാനമന്ത്രിയാകാന്‍ കഴിയു. അതായത് ഉത്തര്‍പ്രദേശിലെയും ബീഹാറിലേയും മുഴുവന്‍ സീറ്റുകളും അവര്‍ നേടണം. അത് അസാധ്യമാണെന്നും യു.പിയിലെ സമാജ്‌വാദി പാര്‍ട്ടി, ബഹുജന്‍ സമാജ്‌വാദി പാര്‍ട്ടി ബീഹാറിലെ രാഷ്ട്രീയ ജനതാദള്‍ എന്നീ പാര്‍ട്ടികളുമായി കോണ്‍ഗ്രസ് സഖ്യം ചേരുന്നതിനാല്‍ ഭൂരിപക്ഷം നേടുമെന്ന കാര്യത്തില്‍ സംശയം വേണ്ടെന്നും രാഹുല്‍ വ്യക്തമാക്കി.

എതിര്‍പക്ഷത്ത് നില്‍ക്കുന്നവരോട് തനിക്ക് പ്രത്യേക സ്‌പര്‍ദ്ധയൊന്നുമില്ലെന്നും, ഇതു മോദിക്ക് ബോധ്യപ്പെടാനാണ് അദ്ദേഹത്തെ ആലിംഗനം ചെയ്‌തതെന്നും രാഹുല്‍ പറഞ്ഞു. എതിര്‍കക്ഷികളെ ഇഷ്‌ട‌മല്ലെന്ന് മാത്രമല്ല സ്വയം പറയുന്നതല്ലാതെ മറ്റാരുപറയുന്നതു കേള്‍ക്കാനും അദ്ദേഹത്തിനിഷ്‌ടമല്ലെന്ന് രാഹുല്‍ കൂട്ടിച്ചേര്‍ത്തു.